Caso di corupcion cu permiso lo wordo trata

ORANJESTAD – Dialuna ta habri cu corte den beroep lo trata e caso di corupcion contra ex minister di Avp, Paul Croes. 
Tabata na 2019 cu a cay un sentencia, unda a haye culpabel di haci actonan coruptivo cu permiso, unda tabata cobra bao mesa, sea cash of den producto manera caha di cerbes, bliki tuna, caha di mayonaise, y hopi otro cosnan mas. 


Paul Croes y henter su oficina a wordo condena pa facilita corupcion unda contra tur maneho y regla tabata duna “positivo” pa papel di DPL. 


Te hasta secretaria di Paul tabata fix positivo pa por haya traje di carnaval pa bay baila den carnaval. 
Paul hunto cu su chofer tabata e focus di husticia unda a pone microphono secreto den nan auto. 

Nan tabata frequenta varios Chines, for di porta di cushina, pues parti patras, y tabata pidi bebida, cerbes, y tur a bay cu “Paul a manda pidi” y “Paul lo firma bo permiso”. 


Tabatin mas otro hende cu tabata acudi na otro Chines y hasi full un compras pa hiba cas, riba cuenta di Paul. 
Ora a puntra Paul riba con bin e tin asina hopi placa?  Paul a declara cu ela gana catochi.  Ora investigadornan a bay averigua,  na tal casita di catochi,  nan a bin haya sa cu nunca nan a wak Paul na dicho casita. 
Tur esakinan tabata den su promer caso. Hunto cune un gang di 15 persona mas, cu tur a bira sospechoso te cu wordo condena pa soborna e minister. 


Esaki no ta tur, pasobra Nina Werleman y Gaby Werleman cu ta den caso Avestruz,  tambe ta den caso IBIS.  Pues nan a soborna Benny y soborna Paul.  
Na prome instante Paul a haya 4 anja di castigo, pero fiscal a pidi 5.  Tambe Paul a haya 9 anja cu e no mag di tin ningun trabao den of rond di gobierno.  


Despues cu a cambia varios abogado,  awor ta abogado Sulbaran di Curacao lo atende e caso aki. 
Kisas lo dura 3 siman pa bin un sentencia, cual por ta na Fin di September 2021. 
E ora ey, ainda Paul por bay cassatie.  Si e wordo haya culpabel, e lo mester sinta su castigo. 
Pues e siman aki ta determinante atrobe pa partido Avp, unda su casonan di corupcion ta keda exponi

LEAVE A REPLY

Please enter your comment!
Please enter your name here