Ateliers ’89 Punto Di Beyas Arte Aruba cu un workshop especial pa luna di Augustus-September di ARTE PA BISTI. Pa e conocido artista pa su kreashonnan sin igual, e artista maestra Arubana Jess Wolff.

For di Dialuna 16 di Augustus te cu Diahuebs 9 di September 2021, artista di arte contemporaneo Jess Wolff a.k.a Luna d Wolff lo ta e anfitriona di e workshop aki ARTE PA BISTI na Ateliers ’89. E workshop lo bai ta di Dialuna pa Diahuebs pa cuater siman largo na Dominicanessenstraat 34 Oranjestad Aruba. Jess Wolff lo guia y instrui cada participante pa asina nan por crea arte pa bisti cu tin di haber cu e tematica di nos medio ambiente na nos isla.

Den e workshop di arte aki Ateliers ’89 hunto cu e maestra lo desafia cada participante pa crea arte 3 dimenciónal, cu tambe por wordo usa riba bo curpa. Usando ambos materialnan tradicional y no tradicional, e alumnonan lo explora technician di escultura y conceptonan tematico, siñando pa manipula y transforma materialnan den un manera creativo.
Wolff lo kier stimula cada participante, door di duna nan un manera di traha cu lo motiva nan pa asina nan por sigui elabora nan concepto pensa.
E workshop lo promove un methodo na moda cu lo ilustra e importancia di resiclahe y mantene un manera sostenible orgánico pa crea arte den un forma pa bisti. Jess Wolff lo guia e proceso di e diseñonan y transforma nan den karecternan teniendo una storia.
E lo desafia e ideanan controversial di moda door di usa calidadnan performista pa presenta e caracterisacionnan aki cu lo resulta den obranan di arte pa bisti.

E resultado di e diseñonan final lo wordo comparti cu e comunidad amante di arte den un SHOW DI ARTE PA BISTI, presenta Diahuebs 9 di September pa 8pm na Punto Di Beyas Arte Aruba. Bo ta cordialmente invita pa participa na e workshop aki cu lo introduci e studiantenan na e area contemporáneo di arte pa bisti.

Pa inscribi y registra porfavor manda un e-mail na elvis@ateliers89.org o pa mas informacion yama na telefonan: 5885776 o 5654613.
Check nos website na www.ateleirs89.org. E workshop aki ta pa cuater siman. Di Dialuna pa Diahuebs di 6.30 pa 9.30pm. Edad ta 12 aña pariba. Ateliers ’89 Punto Di Beyas Arte Aruba ta situa na man drechi riba e crusada di Maria College Oranjestad.
No perde e oportunidad unico aki, inscribi awor ya cu cuponan ta limita.

LEAVE A REPLY

Please enter your comment!
Please enter your name here