Spaña y Brazil ta enfrenta otro den e gran final di Olimpiada Tokyo 2020 den futbol masculino

0
48

Diamars den oranan di marduga, weganan di semi final a tuma lugar den olimpiada Tokyo 2020 den ramo di futbol unda cu prome wega tabata entre campeonnan di 4 aña pasa Brazil y seleccion di Mexico cu tambe a yega di gana medaya di oro na weganan di London na aña 2012.

E wega aki Brazil a mira esaki como wega di revancha den e final perdi contra Mexico, aunque cu den prome y di dos mitar no tabata tin gol, e favorito pa gana e wega aki tabata Brazil.

Wega aki a bay den tempo extra y ainda no a conoce ganador y a pasa over pa tironan for di punto penal.

Brazil ta habri cu prome tiro cu Dani Alves cu no ta faya, mientras cu Mexico ta habri cu Aguirre caminda keeper ta detene e tiro aki, Martinelli ta sigui pa Brazil ta haci e wega 2-0, mientras cu Johan Vazquez ta faya pa Mexico, Guimaraes ta haci e wega 3-0 pa Brazil mientras cu Rodriguez ta corta ventaha pa Mexico, Brazil ta manda Reinier pa e di cuater tiro y aki Reinier ta anota e gol cu ta duna Brazil e pase pa e gran final di Olimpiada Tokio 2021 y Mexico lo tin cu disputa e wega pa di tres y cuater lugar.

Den di dos wega, Spaña a enfrenta Japon pa mira kende lo bira e di dos finalista di Olimpiada, Spaña na aña 1992 durante weganan di Barcelona a sa di titula campeon di futbol olimpiada ora cu nan a gana Polonia den e gran final y ta despues di bastante tempo ta hunga un wega di semi final pa trata na yega final.

E wega aki den tempo regular a keda empata 0-0 y a pasa over pa tempo extra, na di minuut 115, Spaña ta anota e unico gol di wega pa medio di Marco Asensio, cu asistencia di Mikel Oyarzabal y asina tambe ta yega final pa enfrenta Brazil pa medaya di oro mientras cu Japon lo enfrenta Mexico pa wega pa di tres y cuater lugar.

E wega pa medaya di brons ta tuma lugar dia 6 di augustus pa 7:00 am caminda Mexico lo ta enfrentando Japon, dia 7 di augustus ta e gran final entre Brazil y Spaña, Brazil ta en busca di ripiti titulo di campeon olimpico, mientras cu Spaña tambe kier logra e titulo aki ya cu ta for di 1992 no a hunga un final mas di weganan olimpico.

LEAVE A REPLY

Please enter your comment!
Please enter your name here