Ateliers ’89 Punto Di Beyas Arte Aruba ta cordialmente invita pueblo di Aruba pa e apertura di su exposicion nobo titula “Time After Dark”, cu lo tuma luga riba diahuebs 1 di ougustus pa 7:00 pm den e salanan mayor di e institucion. E anochi special aki lo conta cu presentacion di obranan fotograpico crea pa e artistanan Naomi Nicholson, Giselle Fingal, Kenzo Rodjan, Iveta van Veen, Marlene van Blarcum, Sunil Bhintade, Meliza Lopez, Christian Celis-Peloschi y Michael Naar.
Durante henter luna di september, e maestro artista Fernando Vermeer a comparti su amplio experticio den fotografia cu e alumnonan participante den e espacio “Black Box” di Ateliers ’89, dunando un workshop unico enfoca riba tecnica di potret anochi y den oscuridad. Maske e no tabata un reto facil pa bolbe actualisa maneho di e camaranan y siña e tecnicanan avansa aki, e participantenan a gosa di e experiencia grandemente y a logra crea obranan artistico excepcional bou di guia di nan maestro.
Prome cu e exposicion, bishitantenan por admira tambe den e “White Box” e trabou di artistanan invita manera Enrita Werleman cu mosaico picassiette, Miriam de L’Isle cu pintura, Glenda Heyliger cu instalacion y King Lie Kwie cu su pinturanan. Ateliers ’89 ta gradici instancianan manera H&H Fine Wine and Spirits, Cultuur Fonds Caribe, Checkpoint Color y Gobierno di Aruba pa haci e evento posibel. Bo presencia lo engrandece e arte contemporaneo di nos pais.
