Nelson Andrade ta papia coy loco!
Ta coalicion di MEP a cambia ley y a aumenta castigo dia 6 di juni 2020
No ta usual cu nos ta reacciona riba storianan di Nelson Andrade. Pero ora cu e surpasa tur limite di papia coy loco, nos mester haci un esfuerso pa asina corigi su mentiranan.
Recientemente Nelson Andrade a ataka tur fiscal Hulandes, pa “Macamba Stinki”, bisando cu nan semper ta pidi castigonan abao pa casonan di pedofilia.
Segun Andrade, cu awor cu tin un fiscal Arubiano ta atende cu e casonan aki, por mira cu e peticion di fiscal a subi pa 9 y 12 aña.
SOLO DI PUEBLO a contacta Ministerio Publico riba e ponencia aki. A bin resulta cu e ponencia di Andrade ta erroneo.
Peticion di castigo contra personanan sospecha di pefofilia no tin nada di haci cu fiscal Arubiano of fisacal Hulandes, sino cu ley.
Tabata dia 6 di Juni 2020, cu Gobierno di coalicion di MEP a aumenta e castigo di prison pa casonan di abuso di mucha. A subi e castigo di 8 pa 15 aña. Pues, awor tin un ley nobo aproba pa MEP y e tempo ey POR, cual a lanta e castigo y pesey fiscal por pidi mas aña.
Pues Nelson Andrade, cu no sa mihor, a kere cu e aumento di peticion tin di haber cu fiscal Arubiano vs fiscal Hulandes, pa cual el’a yamanan pa Macamba Stinki. Ministerio Publico a confirma na SOLO DI PUEBLO, cu e ponencia ey ta robes! Aumento di castigo, segun peticion di fiscal no tin net nadi haci cu procedencia di fiscal, sino cu ley.
