Auto a dal contra mata di kwihi despues di un persecusion chikito door di polis, 2 homber a baha core bay

0
25

J.E.IRAUSQUIN BOULEVARD – Diamars den oranan di mainta den careda di 11’or strand politie durante su surveillance a spot un Nissan Skyline altura di Eagle beach.

E agentenan atento lo a bay pa stop e vehiculo cu 4 homber den dje pa un control.
E vehiculo a subi velocidad, pa trata di core pa polis.
Pero, despues di un persecusion cortico e vehiculo a perde control baha caminda y dal contra un mata di kwihi.

Prome cu e agentenan kier a yeha cerca dos homber a baha y core bay direccion pariba(Oost).
Lo tawata trata di un homber coho y probablemente di edad y un otro homber mas.

E dos nan patras segun nos a compronde lo no a haya chance y polis a wanta nan.
Den un rato e dosnan cu a core bay a “desaparece”.

Rond di e vehiculo cu tawata pega contra e mata, polisnan a haya un saco di plastic chikito cu varios pilder cu ta mustra den direccion di ecstacy. E otro banda tawata tin un otro paki contentiendo un otro producto ilicito.

Un di esnan cu polis a wanta ta un bon conoci di nan. Pues, por deduci cu e grupo aki ta circula rond den area di beach y ta bende nan “productonan”.
Esaki sin conta e ladronicianan cu segun nos a compronde ta wordo cometi door di e mesun hendenan aki.

Polis no a detene niun persona, pa x motibo e momento eynan cu nos no lo bay divulga pa no duna e mente criminal caminda pa cana.

Pa locual ta e auto eysi si a wordo confisca y tambe cellular cu a keda atras den e Nissan Skyline, e plachi number tampoco tawata cuadra cu e auto.

LEAVE A REPLY

Please enter your comment!
Please enter your name here