Diamars mainta den careda di 8.or un auto a drenta bao di un trailer na Santa Marta. Pa motibo desconoci un auto bahando di Sta Cruz ( pariba) lo no a pone bon atencion cu tin un truck riba caminda. Consequentemente el’a drenta bao di e low boy. E chofer tabatin tin suerte di su bida cu e truck lo a pone atencion na e situacion y a tuma mesora tur precaucion. Por tuma nota cu ambulance a presenta na sitio pa brinda asistencia.
Na e mes un sitio aki, banda pazuid di caminda tin un cantidad di trailer ta wordo staciona. Bisiñanan na sitio a reclama cu e trailernan staciona banda pazuid ta hopi peligroso, pasobra anochi no tin bon iluminacion y nan ta forma un menasa pa trafico y un estorbo pa bisiñanan. E tereno ta di gobierno, pues tereno publico, pero asina mes despues di entrega hopi keho na instancianan, tur instancia a cera wowo y sigui permiti pa e trailernan aki keda staciona banda pazuid di e compania aki riba tereno publico.
