Paisnan grandi gosa awe di oro di Aruba hinca den nan kluis
E gouden koets a bolbe lanta e sentimentonan, unda nos pueblo, despues di a wordo colonisa, a perde tur su oro na man di Hulandesnan. Desde 1824 pa 1913, 3.000.000 liber di oro a wordo exporta, mayora pa Hulanda. Esaki tin un balor awendia substancial. E tempo aya nan a sake pa centjes.E colonia Aruba bao dominio Hulandes a duna algun Hulanes di Den Haag, ( De Jong) un consesion pa saca e oro, pa cual a cobra e Hulandes 2500 florin y e por a saca tur oro bay cune. Tristo pa mira con nos rikesa a wordo piratia e tempo aya pa nos mes madre patria, cu awendia ta saca nos wowo pa centjes cu nos debe of ta cobra nos bek fiansa haci durante pandemia. Pa tabata un colonia di Hulanda, esaki no a bay cu ningun beneficio, alcontrario, nos rikesa a wordo malamente piratia. E pregunta cu mester nace ta: Ki dia Hulanda ta paga pa e daño ocaciona na Aruba? Y cada ves cu nan haya chens, nan ta manda dede den wowo di Aruba. Otro pais ta haya regaldo na grandi di Hulanda, pero Aruba ta haya skop! Foto: Bushirbana Aruba
