Baho mundo a haya golpi di aña nobo; DEA a intercepta 3 Go Fast cu 2750 kilo di droga, uno tabata 76 milla nautico di Aruba

0
980

E portal Diario Versión Final a informa cu tres operativo a intercepta 2.750 kilogram di cocaína na diferente area maritimo dialuna ultimo. Agencia Antidrogas di Merca, DEA y polis Antinarcotico di Colombia, a dal baho mundo e prome golpi pa 2021, unda nan a logra detene mas di ocho persona di varios nacionalidad.

Segun El Heraldo, den un di e operativonan marítimo un lancha Go Fast cu presuntamente a sali di un di e puertonan natural di Alta Guajira. Polis di Colombia a notifica polis di Costa Rica pa cual nan a desplega operacion maritimo pa ricibi e lancha na 97 a nautica di Costa Rica. Nan a drenta e lancha y a haya 750 kilogramo di cocaína. Nan a detene dos venezolano, un dominicana y un colombiana.

76 milla nautica di Aruba

Un segundo operativo similar den awa di Caribe na 76 milla náutico di Aruba, Guardacostas Mericano los Estados Unidos a strona un lancha Go Fast pa continua su ruta. A encontra 500 kilo di cocaína cu tabata rumbo pa Merca. Ora e tripulacion a mira cu nan ta gara, nan a benta e droga na awa.

Den un otro operacion, cuatro persona a keda deteni saliendo for di costa Colombiano Pacifico. E ultimo aki tabata wordo sigui pa polis. Nan a intercepta 1500 kilo di cocaina.

E embarcación aki a wordo localisa na 144 milla nautica di isla Malpelo y tabata wordo tripula pa tres Colombiano y un Ecuatoriano.

LEAVE A REPLY

Please enter your comment!
Please enter your name here