Kozlov Dance Academy ta sumamente entusiasma pa introduci un par di nan studiantenan cu lo ta bailando e personahenan principal den nan show benidero, esta “The Nutcracker” cu lo tuma lugar na Cas Di Cultura diasabra 4 di december 7or y riba diadomingo 5 di december 3or. E studiantenan aki ta practicando y preparando pa e presentacion for di september y trahando hopi ora nan largo pa por presenta un show di calidad.
Leonid Kozov, director di Kozlov Dance Academy cu a tuma parti como bailado principal di e tan renombra Bolshoi Ballet na Moskou, Russia y tambe di New York City Ballet hunto cu su casa prima bailarina Adriana. Nan ta entrenando nan studiantenan den ballet clasico den forma Russiano pa 8 aña riba e isla.
Nan academia di ballet ta yena cu alumnonan talentoso cu disciplina y determinacion ehemplar. E diferente calidadnan di e studiantenan ta engrandece e presentacion treciendo variedad.
Un di nan studiante cu ta traha hopi duru y ta hopi dedica ta Liselotte van Doorn, di 13 aña di edad. E la competi na maart pa prome biaha na un competencia internacional di ballet y ganado dos medalla plata. Liselotte lo baila e parti di e ‘Sugar Plum Fairy’. E ta baila un solo hopi unico pasobra e musica ta toca cu un instrumento raro, e celesta. Liselotte tin un fuerte tecnica y tambe el baila e ‘Pas de Deux’ cu Meneer Kozlov. Liselotte ta e destinatario di e EYoung Talent Fund via Stichting Prins Bernhard Cultuurfonds Caribisch Gebied.
Tin otro bailarina prometedor, Veronica Stetsenko, di 12 aña di edad, cu ta destaca door di su cualidad nan expresivo riba escenario. E lo ta baila e parti di ‘Dewdrop’ den e ‘Waltz of the Flowers’, ‘Columbine Doll’, ‘Snowflake soloist’ y ‘Marzipan’.
Dos mas balarin cu lo baila na un nivel halto, ta Sarah-Ange van der Vaart y Joshue Garcia. Sarah-Ange ta un studiante na e academia desde cu e la habri. E aña aki, el baila dos partinan nobo: ‘Arabian Coffee’ y ‘Snowflake soloist’. E publico lo disfruta di su interpretacion artistico y su elegancia. Den e añan pasado, Joshue tabata baila hopi parti principal den varios produccion di e academia. Den “The Nutcracker” Joshue lo baila e partinan di e ‘Mouse King’ y ‘Chinese Tea’. E ta un balarin cu un energia tremendo y un favorito di e audiencia.
E academia tin tres muchanan hoben prometedor. Un ta, Sarah Muyale (9 aña), lo baila e parti principal di ‘Clara’. E storia di “The Nutcracker” ta basa riba Clara y su soñonan. Sarah ta conta e storia hopi bunita pa medio di movicionan y actuacion elegante. Esaki ta su di dos biaha bailando e parti di Clara, y nos ta ansioso pa wak e briya riba e escenario. Aleksey Kozlov (6 aña) a baila e prome biaha den “The Nutcracker” na edad di 2.5 aña. E ta sinti hopi confortable riba e escenario, dilanti di un audiencia y tin hopi carisma. E lo baila varios partinan solista: ‘Fritz” den a party scene cu Sarah, y tambe un solo di “Russian Trepak’ y ‘Tarantella’. Aleksey ta hopi emociona pa mustra su biramentonan lihe and bulanan grandi. Un otro
studiante, Cloé-Margeaux van den Berg (11 aña) , lo baila cu Aleksey den ‘Russian Trepak’. Ocho aña pasa, ora e tabatin 3 aña, el baila e parti di ‘angel’ di e muchanan chikito. Cada aña el a baila un parti nobo, y e aña aki Cloé-Margeaux ta baila su prome parti solista.
E comunidad ta invita pa bin wak y duna sosten na e hobennan talentoso aki y tambe 80 otro futuro estrea di ballet den e produccion. Carchi ta obtenibel pa AWG,35 y ta obtenibel na Cas di Cultura, Van Dorp Bookstore (Dakota) y na Kozlov Dance Academy. Pa mas informacion por
bishita nos pagina web, www.kozlovdance.com. Tambe por haya nos riba facebook www.facebook.com/KozlovDanceAcademy of por yama na 564-2670.
