Ate spirito a sali den caso di Benny

Den sala di corte, durante tratamento di e caso di Benny,   a bin dilanti cu e empleado di Land Aruba,  Piet Sussebeek, tabata ter beschikking di Benny. Loke landrecherche a constata ta e hecho cu Sussebeek no tabata acudi na trabao.  Pues e tabata cobra salario sin presenta na trabao. Ora cu Huez a puntra Benny riba esaki,  Benny a splica huez cu Sussebeek no mester a presenta na trabao, pasobra e ta ‘ter beschikking”. 


Es decir cu e defincion di Benny ta cu “ter beschikking” un persona no mester presenta na trabao y ta un empleado spirito. 
Ora cu Huez a bolbe puntra Benny:   Con Sussebeek ta traha?   Benny a contesta cu e por a traha for di cas y cu principalmente e tabata consehero y tabata duna conseho via telefon.   Benny a haci e caso mas peor,  pasobra el’a bisa cu Sussebeek tabata su consehero POLITICO y tabata dune conseho POLITICO.  


Cu otro palabra un consehero POLITICO, paga cu placa di pueblo, sin presenta na trabao. 
Aki tambe Benny y su abogado a faya barbaramente,  pasobra, nan no ta compronde e realidad.  Nan ta zweef den laira riba otro sorto di penstamento.  
Di otro banda,  Sussebeek tabata cumpra material pa Benny traha su cas,  y aki tampoco nan tin prueba di e recibonan cu Benny tabata dun’e e placa.

 
SOLO DI PUEBLO por analisa cu e politiconan di AVP no ta mucho bij di realidad.  Nan ta asumi cu yen teoria robes,  keriendo cu loke nan ta haci ta bon,  pero unda realmente loke nan ta haci ta actonan coruptivo. 

LEAVE A REPLY

Please enter your comment!
Please enter your name here