Den e caso cu fiscal a presenta, el’a bisa cu Pieter Susebeek, e persona cu ta casi ruman di Benny, a haya 28.000 m2.
E fiscal a splica: – 15.141 m2 di tereno commercial na top locaties, – 1.829 m2 na tereno pa traha cas den 3 percela na Esmeralda, y 11.000 m2 na huurgrond pa traha un finca banda di Henny na Jaburibari. Gran total: 28.000 m2.
Pues ta hopi straño cu Benny ta bisa cu e no sa nada. Tabata bastante papel cu el’a firma pa Susebeek, mientras Susebeek tabata scondi tras di varios compania, pero tur hende na DIP tabata sa cu ta compania di Susebeek.