Aruba
Señor Van der Burg lo inicia su bishita di trabou riba dialuna, 12 di october, na Aruba cu un audiencia serca gobernador, Alfonso Boekhoudt y lo hiba combersacion administrativo cu entre otro, Minister Presidente Mike Eman y minister di entre otro Relacionnan di Reino, Gerlien Croes. Seguidamente e secretario di estado lo bishita One of A Kind Cafe Aruba, un cafe di fundacion Trampolin pa Trabou, caminda personanan cu ta na un distancia for di mercado laboral, ta haya experencia laboral. Na Marinierskazerne na Savaneta, e lo ricibi informacion tocante trabou di e mariniernan na Aruba y e Programa di Formacion Social pa hobennan. E programa aki su enfoke ta pa amplia oportunidad pa hobennan pa medio di training fisico y siña nan structura, norma y balor. Despues señor Van der Burg lo bishita e tereno di ex Refineria Lago, pa tende mas tocante e plannan di restructuracion pa e añanan benidero. Secretario di estado Van der Burg lo finalisa e dia na Instituto Coreccional di Aruba (KIA), pa haya un bista di e actual condicionnan, retonan y exitonan den KIA.
Diamars, 13 di october, señor Van der Burg ta cuminsa na Aeropuerto Internacional Reina Beatrix, caminda e lo keda informa tocante e trabounan na aeropuerto den cuadro di e proyecto ‘fortificacion di vigilancia di frontera’. Despues e lo sigui cu avion pa Boneiro.
Boneiro
Despues di yegada na Boneiro, e dia lo ta dedica na combersacionnan administrativo cu entre otro gezaghebber John Soliano y Colegio Ehecutivo. E combersacionnan lo enfoca entre otro riba e situacion politico administrativo y progreso di e palabracionnan den e acuerdo administrativo. Cu directiva di Selibon Lagun e lo papia tocante e situacion actual y maneho operacional. Durante esaki lo trata tambe ehecucion di e Acuerdo Administrativo Acercamenta di Selibon Lagun. Ademas e lo hiba combersacion cu Bonaire Hotel and Tourism Association y Tourism Corporation Bonaire, tocante desaroyo di turismo na Boneiro.
Riba diaranson mainta, 14 di october, secretario di estado lo ta na Rijksdienst Caribisch Nederland (RCN). Aya lo duna entre otro atencion na temanan manera dunamento di servicio, digitalisacion y gobierno decisivo. Señor Van der Burg lo bishita diferente seccion di RCN y lo hiba combersacion cu empleadonan di RCN. E sobra di dia lo ta dedica na un bishita na Duana y Haf. Secretario di estado Van der Burg ta finalisa su bishita na Boneiro cu un combersacion na Camara di Comercio pa papia tocante clima di inversion na Boneiro.
Corsou
Despues di yegada na Corsou riba diahuebs, 15 di october, secretario di estado lo tin un audiencia cerca gobernador Mauritsz de Kort y e lo hiba combersacion administrativo cu entre otro Minister Presidente Pisas y Conseho di Minister di Corsou. Na Corsou lo duna e secretario di estado informacion riba diferente topico, incluyendo fronteranan sigur y desaroyo di bario.
Riba e ultimo dia di e bishita di trabou, diabierna, 16 di october, secretario di estado lo papia cu presidente di Corte Comun di Husticia y el secretario de Colegio supervision financiero. Tambe e lo asisti na e dia di nabegacion di marina. Esaki ta un paseo cu barco cu Marina Real y otro unidadnan di forsa arma ta organisa pa invitadonan, partnernan di cadena y otro interesadonan.
