Maria tawata un hende cu ta sirbi Dios, e hende cu tin mas fe cu tur otro hende y tawata sa cu e Redentor lo bini na mundo. Asina mes el a spanta y no por kere cu Dios ta scog’e pa bira Mama di e Yiu di Altisimo. Tampoco el a kere, pensa of premira cu solamente si Spirito Santo baha ariba dje of obra den dje e lo por sali na estado. Asina mes, na momento cu e angel a caba di splica, Maria a acepta y ofrece su mes pa Dios su boluntad.Tur esaki sabiendo cu e ta comprometi cu Hose y kico tur e sucedido por causa entre e y Hose. Señor mes ta obra den e sirbido pa e acepta Su boluntad, sin comprende prome con, pakico y den cua forma Señor lo cumpli cu Su boluntad. Milager ariba milager.
Oracion: Señor, obra den nos pa honra Bo y acepta Bo boluntad. Den nomber di Hesus di Nazaret. Amen.
