Bo ta critica un banda so y siendo bo no ta Catolico. Pakiko bo ta kere cu e muher ta sufri, cu un curason herida den un violencia domestico? Esey no ta pa motibo di su mes infieldad cu su pareha, durante anjanan y bo ta kere cu e homber por soporta tur esey? Den e di 6 Mandamento, Dios ta prohibi di haci e pika di adulterio. Den e Sacramento di Matrimonio, den Bijbel Marko 10: 6 – 9, Dios ta uni pareha den un solo curpa y nan ta keda casa te na morto y Dios no ta reconoce divorcio. Bo ta bisa, cu e muher a scohe un otro amor, anto esey ta infieldad y un pika condenabel di adulterio. Ta con bo ta kere, cu e homber por soporta tur e inhusticianan di infieldad aki, durante anjanan? Bo no tabata sa, cu tur esnan cu ta comete e pika di adulterio, nan lo no drenta den e Reino di Dios, nan lugar di destino ta den e candela di fierno, lesa Bijbel 1 Corinthionan 6: 9 y 10. Corda bon, cu ningun hende Cristian of hendenan religioso, no ta apoya na esnan cu no kier cambia nan bida di pika, pasobra ta nan mes kier sigi haci nan relacion den adulterio cu otro persona, maske cu nan a divorcia. Bo no tabata sa, si un persona tin relacion sexual cu un muher divorcia, anto e persona aki tambe ta wordo condena den fierno, lesa Bijbel Mateo 5: 32. Tambe den Bijbel Levitico 20: 10, Dios Tata ta bisa bon cla: “Si un homber ta comete adulterio cu un muher casa di su prohimo, nan dos lo muri, e adultero y e muher adultera.” Akinan no ta hende ta husga, pero ta e palabranan di Dios ta husga e pekadornan. Na e persona cu bo ta apoya, bo no tabata sa, cu esnan cu ta consulta na e bruhanan, e spiritonan di abismo ta bini rond di e persona, pasobra ta e mes a yamanan consientemente. Ta con un persona por ta den e gracia di Dios y mientras e ta sigi haci su relacionnan den adulterio? Ta con un persona por ta den e gracia di Dios y mientras e ta sigi consulta na e bruhanan? Lesa den Bijbel 1 Corinthionan 6: 9 y 10, na unda cu Dios ta condena den fierno, tur esnan cu ta consulta na e bruhanan. Ta con bo ta bisa, cu e persona ta cana e caminda recto y legal y tambe bo ta bisa, cu ta un “second chance” di amor e ta. Esaki ta un caminda di perdicion e ta cana. Bo no tabata sa, cu Dios Tata ta bisa, no codicia e tereno di bo prohimo, lesa Bijbel Deuteronomio 5: 21: “No desea e muher di bo prohimo. No codicia e cas di bo prohimo, no codicia e tereno di bo prohimo, ni su cria, ni su baca, ni su burico, ni nada cu ta di dje.”
Sabiduria di Dios,ta alegria y pas.
Un mensahero di Dios.
