Segun Promer Minister a declara na Radio Top 95 FM recientemente, el’a bisa cu e defecit di pais Aruba pa 2022, lo ta menos di loke a projecta na prome instante y menos cu e suma di prespuesto 2022.
E defecit di presupuesto 2022 ta 227 miyon, pero den e realisacion e cifranan ta mustra cu e defecit ta hopi menos cu 227 miyon. Ta mustra cu lo cera 2022 cu 150 miyon di defecit, y CAFT ta pidi 120 miyon. Pues e diferencia no ta mucho, ‘nos no ta mucho leuw di otro”.
Na 2023 Gobierno ta projecta ainda un defecit di 0.6%.
Ora di trata e prespuesto supletorio, lo tene cuenta di e desaroyo economico ta mihor, entrada di impuesto ta mas, gastonan di goederen en diensten ta mas abao cu a kere na prome instante. Tur departamento di gobierno a traha riba dje.
Pues, lo purba di baha e defecit di 227 miyon te na 150 miyon, mientras CAFT ta pidi 120 miyon. Pues e desaroyo ta mustra cu e diferencia no ta mucho lew di otro.
Un di e problemanan di CAFT ta cu nan ta exigi pa cambia e begroting, siendo Gobierno a bisa cu lo haci e cambionan den e presupuesto supletorio.
