ORANJESTAD – Den un encuentro festivo na La Cabana Beach Resort & Casino, Aruba Timeshare Association a lansa un booklet nobo titula “The Vacation Ownership and Timeshare Industry on Aruba,” den presencia di vice prome minister y minister di Integridad Naturalesa y Transportacion y Cuido di nos grandinan, Ursell Arends, hunto cu Dangui Oduber, minister di Turismo y Salubridad, Ronella Croes CEO di Aruba Tourism Authority, Tisa la Sorte, presidente y CEO di AHATA, adicionalmente tambe miembronan di ATSA, staffers di Universidad di Aruba, media y invitadonan.
Luigi Heredia, presidente di Aruba Timeshare Association a disfruta di un distincto honor di por a presenta e booklet na e encuentro.
Timeshare, e ta bisa, cual tambe ta wordo referi na dje manera Vacation Ownership, ta un di e segmentonan cu mas rapido a crece den e industria di viahe, cual a crece significadamente durante ultimo decadanan. E ta un industria cu ta constantemente evoluciona, e ta declara.
Mirando na e impacto global di e pandemia di coronavirus, Heredia tabata orguyoso di bisa cu e propiedadnan di ATSA na Aruba un bes mas a mustra nan resistencia y continua na ta un parti fundamental di isla su economia.
ATSA ta hopi agradecido, el a reitera, na su Vacation Owners cual tabata e ultimonan cu a bandona e isla y e promenan pa regresa. ATSA tambe tabata tin dos propiedad cu nunca a cera anto a permanece habri cu bishitantenan durante lockdown. Generalmente, Aruba ta mirando na un recuperacion mas rapido y nivelnan di ocupacion mas halto, cu tur otro sectornan di hospitalidad.
Segun presidente y CEO di ARDA, American Resort Development Association, den September 2021, “E storia di timeshare semper tabata rond di temanan manera di tuma vacacion, y pasa un tempo dushi cu famia pa preserva salud mental y fisico. Mientras otronan a purba versionnan di e storia aki, e industria di timeshare tabata t’ey prome, y ta sigui mehora su mes.”
Aruba, Heredia a continua, tin algo special y unico, e tremendo personanan di e isla, kende ta haci e experiencia di vacacion aki uno mas memorabel, y ta p’esey miembronan ta conta e dianan pa nan regreso na nan hogar leu for di nan hogar. Aruba tambe ta un envidia pa competidornan Caribense, mirando con owners a mustra un compromiso na largo plaso cu e isla.
E industria a demostra focus, adaptabilidad y disponibilidad pa ta socio pa asina beneficia experiencia di e bishitantenan, y tabata hopi exitoso den temponan dificil, Heredia a conclui.
Lansando “The Vacation Ownership and Timeshare Industry on Aruba”, ATSA a re-brand su mes como un organisacion di Vacation Ownership pa asina captura oportunidadnan cu ta bini di aliansanan di negoshi y extension di producto. E booklet ta brinda e industria un overview completo, y ta sirbi como un herment educacional pa familiarisa e comunidad y tur esnan cu kier siña mas tocante Vacation Ownership y Timeshare akinan.
Mirando e importancia di Vacation Ownership y su contribucion na hospitalidad den general hunto cu e industria di turismo riba e isla, ta imperativo pa compronde ambos e propiedadnan y doñonan.
E booklet ta revisa e concepto di timeshare, cu e oportunidadnan unico pa intercambia, e ta splica kico ta timeshare, y ta describi timeshare rond mundo y timeshare den caribe y region, un di e destinacionnan internacional di mas popular pa esaki.
E booklet ta carga un overiew completo di e industria, su caracteristicanan y puntonan clave den desaroyo y funcion, adicionalmente e historia di timeshare na Aruba, na unda nos ta mira 44 aña pasa na 1977, e prome propiedad a habri, Aruba Beach Club, anto esun di mas recien Marriott Aruba Surf Club, na 2004.
E booklet ta toca riba e contribucion di e comunidad Arubano y su impacto economico, na unda e estudio recien ta mustra cu e industria di Timeshare ta representa aproximadamente 20% di e isla su GDP, y ta critico pa e isla su economia.
E booklet ta inclui informacion riba Tourist Levy, referi como Timeshare Tax, y Environmental Levy, cual a contribui na e Product Enhancement Fund riba e isla. E industria, Heredia ta expresa, ta contribui cu su parti.
Mas informacion riba timeshare vs. hotel y airbnb, y bentahanan di timeshare over di hotel tradicional, tambe ta wordo revisa den e booklet, y doñonan tin un interes grandi den ta bek na Aruba, na unda cu clientenan di hotel y Airbnb no lo por tin e mesun conexion emocional cu e isla, y tambe lo por opta pa bay biaha otro caminda.
E booklet tambe ta inclui Timeshare Study Survey Results por medio di Universidad di Aruba, cual a wordo presenta pa Jo-Anne Croes, locutor na UA, incluyendo COVID19 y su impacto na Aruba, resultadonan di un Timeshare Focus Group y Timeshare Profile, pa Aruba Tourism Authority, plus e impacto 2020 riba Aruba.
Finalmente e booklet tamb ta duna bo e 15 miembronan resort di e asociacion, kende tur ta comprometi na sigui haci Aruba un di e top destinacionnan popular den caribe. Un grandi danki ta bay na Universidad di Aruba pa un tremendo trabao y na miembronan di ATSA pa pitching esaki pa printing.
Miembronan di asociacion: Aruba Beach Club Resort; Caribbean Palm Village Resort; Casa Del Mar Beach Resort; Costa Linda Beach Resort; Divi Dutch Village Beach Resort; Divi Aruba Phoenix Beach Resort; Divi Village Golf and Beach Resort; Eagle Aruba Resort & Casino; La Cabana Beach Resort and Casino; La Quinta Beach Resort; Marriott Aruba Ocean Club; Marriot Aruba Surf Club; Paradise Beach Villas; y Playa Linda Beach Resort.
