Dialuna anochi a tuma lugar e di cuater wega entre Tampa Bay Rays cu a gana division East di Liga Americana y ganador di Wild Card cu ta Boston Red Sox den serie di best of 5.

E serie tabata 2-1 na fabor di Boston Red Sox cu tabata na un victoria di avanza pa final di Liga Americana, sperando ganador di Houston Astros y Chicago White Sox cual serie ta 2-1 na fabor di Houston Astros.

Boston Red Sox ta habri cu Eduardo Rodriguez como nan pitcher habridor, mientras cu Tampa Bay Rays tabata tin Collin McHugh como nan pitcher habridor.

Den e wega aki, Boston Red Sox den bom di tres inning ta rally y ta anota un total di 5 careda pa tuma un ventaha comodo di 5-0.

Tur cos tabata mustra cu lo tabata bay ta un anochi facil pa Boston Red Sox, pero Tampa Bay Rays a keda lucha, y ta logra empata e wega cu score di 5-5 y tabata tin chance pa tuma ventaha den e wega aki, pero no a probecha di esaki.

Den bom di nuebe inning, Boston Red Sox cu 1 out ta logra pone coredor na tercera base y aki cu un fly di sacrificio ta laga Tampa Bay Rays den tereno y asina ta bay cu e victoria cu score di 6-5 y ta clasifica pa final di Liga Americana y ta wardando riba ganador di Houston Astros y Chicago White Sox.

Boston Red Sox a score 6 careda, a bati un total di 12 hit y no a comete error, pitcher ganador a resulta Garreth Whitlock, mihor bateador pa Boston Red Sox a resulta Rafael Devers cu a bay di 4-3 incluyendo un homerun.

Tampa Bay Rays a score 5 careda, a bati 7 hit y a comete 1 error, pitcher perdedor a resulta JP Feyereisen, mihor bateador pa Tampa Bay Rays a resulta Kevin Kiermaier cu a bay di 3-2.

Wega aki no a finaliza sin polemica un biaha mas, tin rumornan persistente un biaha mas y por a tuma nota cu riba rednan social cu un biaha mas ta acusa manager di Boston Red Sox, cu no ta laga su mala mañanan y cu aparentemente lo ta den hortamento di seña atrobe, por corda cu manager di Boston Red Sox den pasado a wordo castiga un aña den escandalo di hortamento di seña y despues a wordo contrata bek pa Boston Red Sox, di parti di commission di MLB no a scucha nada ainda, pero kizas lo por tin investigacion na caminda.

LEAVE A REPLY

Please enter your comment!
Please enter your name here