Brazil keto bay invicto den weganan di clasificacion pa Mundial Qatar 2022

0
74

DEPORTE – Despues di wega di Argentina y Bolivia a sigui otro wega entre 5 biaha campeon mundial, Brazil y seleccion di Peru.

Brazil practicamente tin 1 pia sigura pa e proximo mundial di Qatar 2022 y ta invicto y cu puntaje perfecto den weganan di clasificacion, mientras cu Peru no ta mustra mes un seleccion cu a clasifica pa mundial di Russia y ta na di 7 lugar.

Brazil ta conoci pa hunga futbol alegre a subi tereno cu intencion di mantene su invicto y puntaje perfecto den e weganan aki a bay ariba cu score di 1-0 na di 15 minuut, gol a wordo anota pa Everton Ribeiro cu asistencia di Neymar Jr.

Brazil a keda pone presion den prome mitar y tabata na di 40 minuut despues di varios tiro riba gol, bala ta wordo rechaza y cay den pia di Neymar Jr cu ta anota e di dos gol pa Brazil haci e wega 2-0.

Asina prome mitar a bay den descanso cu score di 2-0 na fabor di Brazil.

Den di dos mitar no tabata tin mucho accion mas di gol y asina e wega aki ta termina tambe cu score di 2-0 na fabor di Brazil.

Mester recmarca un biaha mas cu e wega aki tabata tin 9 carchi geel  5 pa Peru y 4 pa Brazil cu ta demasiado carchi geel den un wega di futbol.

Den otro wega interesante di futbol Colombia ta gana Chile cu score di 3-1 y asina ta keda den zona di clasificacion pa proximo mundial di Qatar 2022.

LEAVE A REPLY

Please enter your comment!
Please enter your name here