Cu tres gol di Lionel Messi Argentina ta gana Bolivia 3-0 den weganan di clasificacion pa Mundial Qatar 2022

0
49

DEPORTE – Diahuebs anochi weganan di clasificacion pa mundial Qatar 2022 a continua den zona di CONMEBOL unda cu tabata tin varios wega interesante.

Argentina a enfrenta Bolivia na Argentina, Argentina den e weganan aki no conoce derota pero si tabata tin empate y ta na di dos lugar riba tabla di posicion te na momento di e wega cu 15 punto.

Den e wega anterior entre Argentina y Brazil e wega aki a keda suspendi pa autoridadnan sanitario di Brazil y no a tuma decision ainda kico lo pasa cu e wega aki.

Bolivia ta na di 9 lugar y poco poco por cuminsa tuma nota cu kizas speranza di clasificacion pa mundial ta cabando.

Wega a inicia unda cu Argentina na di 14 minuut ta bay ariba cu gol di su astro hungador Lionel Messi cu ta duna Argentina e ventaha cu score di 1-0.

Prome mitar a bay den descanso cu score di 1-0 na fabor di Argentina.

Den di dos mitar Argentina a sigui pone presion y na di 64 minuut un biaha mas tabata Lionel Messi kende ta anota di dos gol pa asina haci e wega 2-0 na fabor di Argentina.

Tur cos tabata parce cu e wega aki lo a caba cu score di 2-0 pero na di 88 minuut un biaha mas tabata Lionel Messi kende pa basta dia no a anota un “hat trick” ta logra anota esaki pa asina haci e wega 3-0 na fabor di Argentina.

Asina tambe e wega a termina cu score di 3-0 na fabor di Argentina cu ta yega 18 punto y ta solido na di dos lugar mientras cu Bolivia ta keda na di nuebe lugar cu 6 punto.

Den otro weganan cu a tuma lugar Paraguay ta gana Venezuela 2-1 y Uruguay ta gana Ecuador cu score di 1-0.

LEAVE A REPLY

Please enter your comment!
Please enter your name here