Bucuti & Tara Beach Resort a cuminsa un transformacion dinamico di su facilidadnan di dining, cu renovacionnan tanto den su interior como exterior, hunto cu un menu nobo cu ta enfoca riba sostenibilidad, pa activa e sensacionnan y mehora e experiencia di huesped. E transformacion a cuminsa cu renovacion di Tara Lounge, hogar di e hotel su famoso Sunday brunch, cu lo completa 15 di October 2024. Despues Elements Restaurant – cu ta conoci pa su “View to Dine For” y como un di e Top Date Night Spots na Mundo riba TripAdvisor – lo cuminsa cu su transformacion cual lo tuma lugar entre 15 di October te cu 15 di December 2024. Durante e periodo aki, Tara Lounge lo sirbi temporalmente como e dining venue pa Elements, garantisando un experiencia sin interupcion pa nos huespednan. Ningun di e dos lugarnan lo cera simultaneamente y nos ta entusiasma pa duna bon bini na bishitantenan local y internacional durante e temporadanan di fiesta.
Un enfoke artisana cu ta combina cu e resort unico
Clasifica como Tripadvisor su Hotel No. 21 Miho di Mundo, Bucuti & Tara ta sigui cu su dedicacion na ofrece experiencianan di clase mundial y uni forsa cu bendedo y proveedornan cu tin e mesun compromiso pa excelencia y sostenibilidad
E restaurant premia di e resort, Elements Restaurant, y Tara Lounge ta den proceso di renobacion cu colaboracion cu e firma di arquitectura interior FG Stijl, cu ta basa na Hulanda. Conoci pa crea interior di luho pa boutique hotelnan rond mundo, e fundador di FG Stijl, Colin Finnegan, ta trece su mescla unico di elegancia y funcionalidad na Bucuti & Tara. Cada detaye ta cuidadosamente diseña, incorporando mueblenan personalisa, sostenibel y trabounan artisana pa crea espacionan cu ta sinti tanto unico y eterno.
E enfoke di Bucuti & Tara pa pone comunidad na prome lugar y su compromiso pa sostene e economia local ta refleha den su eleccion pa emplea exclusivamente compania di construccion local y trahadornan di Aruba pa e proyectonan di renovacion. Como un seguidor firme di e Metanan di Desaroyo Sostenibel di Nacionnan Uni, e inversion orguyoso di Bucuti & Tara den e forsa laboral local ta sirbi como un ehempel di SDG 8: Promove crecemento economico sosteni, inclusivo y sostenibel, empleo pleno y productivo, y trabou digno pa tur hende.
A View to Dine For: Un apariencia nobo pa luho relaha
Den un mundo unda tempo y espacio ta e luho nobo, comodidad ta reina. Funcional, pero atractivo, e renovacionnan lo crea espacionan unda huespednan ta sinti nan mes bon bini como un amigo intimo, unda nan por relaha den presente y saboria nan cuminda como tanto nan conversacionnan. Tur material, textura y color ta inspira door di e historia rico di Aruba y su naturalesa, cu Bucuti & Tara ta traha sin descanso pa proteha.
Tara Lounge, decora cu un tono di blanco suave, crema, y tononan di palo scur, lo tin un dak halto cu lo permiti solo drenta. Stoelnan cu cusinchi sauve ta invita huespednan pa relaha y keda mas comodo.
Elements Restaurant lo ofrece un buffet cu live-cooking nobo cu ta pone e huespednan den e curason di e experencia culinario. E restaurant lo wordo redefini cu un skema di color refina incluyendo colornan bruin, neutralnan suave y tokenan delicado di color vibrante, mehora door di iluminacion sutil y cu ta crea un ambiente trankil y romantico. Huespednan por disfruta di un mescla di sofa y stoelnan, situa riba e tereno di e restaurant cu bista riba e obra di arte di e resort – e pida lama iconico di Eagle Beach cu su santo blanco y awa blauw.
Como e propiedad mas eco-certifica den Caribe y e unico hotel carbono-neutral di e region, Bucuti & Tara ta compromete cu sostenibilidad. Tur material usa den e renovacionnan ta alinia cu standardnan globalmente reconoci LEED, asegurando cu e impacto ambiental ta keda na e prome plano di e proyecto aki.
Ambiente eleva complementa cu experiencianan nobo di dining
Hunto cu e aparencia nobo y ambiente di e espacionan di dining di Bucuti & Tara lo wordo acompaña cu oferta nan culinario renoba. E team culinario di e resort lo introduci un menu nobo cu lo sigui su compromiso pionero di ofrece platonan sostenibel, orienta na planeta. Huespednan por selecciona for di opcionnan nutritivo y platonan basa riba matanan, cu ofertanan nobo manera bowl di açaí, bruschetta di patia y hummus di rooibiet cu falafel vegetariano.
E creacionnan culinario nobo lo tin un colaboracion estrecho cu productornan local, promoviendo crecemento continuo y sosten pa e comunidad local. Ehempelonan ta inclui cocktail di ijscream di base vegano, microgreens cosecha localmente, pasta fresco traha na man localmente y proteina obtene di manera sostenibel.
E capitulo renovado aki na Bucuti & Tara ta promete pa duna un experiencia sensorial sin igual, unda diseño, sabor y sostenibilidad ta topa.
Pa haya sa mas, bishita Bucuti.com.
