Pa mas di 5 aña caba Fundacion Telefon pa Hubentud Aruba ta haci un bishita, durante vakantie grandi, den diferente bario na Aruba. E aña aki no tawata otro. E aña aki a bishita 8 bario den 8 dia.
Fundacion Telefon pa Hubentud Aruba a bishita Semelerstraat, Bushiri, Seroe Patrishi, Tarabana, Sabana Basora Noord, Cura Cabai Zuid, Village y De Vuyst. Durante e bishita Fundacion Telefon pa Hubentud Aruba ta duna mayornan informacion tocante e servicionan di Fundacion Telefon pa Hubentud Aruba. Durante e bishitanan Fundacion Telefon pa Hubentud Aruba a logra di duna informacion tocante nan trabao na 5180 persona.
Awendia tur dos mayor ta traha. Esaki ta pone cu hopi biaha e yiunan ta sin supervision di un adulto durante varios ora di dia. Pa e momentonan cu e mayor no por tey, ta importante pa e ser sosteni door di un organisacion cu e por confia. Esaki ta e motibo pa kico Fundacion Telefon pa Hubentud Aruba ta informa e mayornan tocante e servicionan di Fundacion Telefon pa Hubentud Aruba. Fundacion Telefon pa Hubentud Aruba ta un aliado di e mayornan den educacion di nan yiunan.
Fundacion Telefon pa Hubentud Aruba ta contento cu e manera cu nan a ser ricibi den e barionan.
Pa mas informacion tocante di Telefon pa Hubentud den bo Bario por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: telhubentud@gmail.com of telefon 5886138/ 5884011.
