Campeon di mundo di Formula 1 Lewis Hamilton positivo pa coronavirus y lo perde e Grand Prix di Sakhir

0
48

Lewis Hamilton, piloto Britanico y shete biaha campeon mundial di Formula 1, a sali positivo pa coronavirus, poco dia despues di a gana e Grand Prix di Bahrein.

E noticia a wordo confirma diamars pa e Federacion Internacional di Automobil atrabes di un comunicado.

E piloto di Mercedes ta permanece aisla, di acuerdo cu e protocolnan riba COVID-19 y no lo participa den e Grand Prix di Sakhir, cu lo tuma luga dia 6 di december proximo na Bahrein.

Segun su ekipo a comunica, Hamilton tin sintomanan leve di e enfermedad, pero “e ta den forma y ta sinti su mes bon.”

E Britanico ta e di tres piloto di Formula 1 cu a haya coronavirus e temporada aki, despues di e Mexicano Sergio Perez na Reino Uni y e Canades Lance Stroll na Alemania.

LEAVE A REPLY

Please enter your comment!
Please enter your name here