Diamars atardi Hospital Horacio Oduber a informa di lo cancela tur servicio medico cu no ta urgente, door di un aumento di cantidad di personanan interna pa Covid-19.
Mirando cu e total casonan di admicion di pashent cu covid-19 na HOH ta subi, desde awe nos ta escala temporalmente y esey lo ta di e siguiente forma:
Hospital ta bay over riba solamente cuido di emergencia pa asina tin mas capacidad di personal den cuido pa por brinda cuido riba B3, B4 y ICU. Esaki ta encera pues cu cuido electivo y dagopname cu NO ta di emergencia lo ser posponi temporalmente. Pues solamente operacionnan di emergencia lo tuma luga.
Nos kier a gradici tur colega di HOH di curason cu diariamente ta eherce nan trabou “no matter what” yena di amor y profesionalismo pa e pashent.
Ta enfatisa pues cu temporalmente HOH lo bay brinda cuido di emergencia so, pues dagopname, operacionnan planea lo ser posponi pa asina tin mas capacidad di personal pa brinda cuido na pashentnan di covid-19.
