Diabierna den careda di 8’or di anochi, dos mucha homber hoben aparentemente lo a haya ta bon pa cende un pida mondi patras di Parke Curason na Jaburibari na candela. Mirando e biento fuerte e candela chikito hopi lihe a expande y a cuminsa bira un candela basta grandi. Mesora a bati alarma y a pidi pa presencia di brandweer.

E prome unidad a yega na e sitio pero tabata casi imposibel pa yega hopi cerca di e candela, for di leu por a mira e huma bay halto. E porta di cura di Parke Curason y un caminda pa bay patras di parke tabata casi imposibel pa yega na e candela. Despues di un rato e candela a expande cuminsa bira grandi y asina brandweer a logra drenta den e mondi pa cuminsa combati e candela.

Na dado momento e candela a cuminsa menasa un cas den Area di Papaya y tambe e Ranchonan cu tin den e area ey. Aki ta caminda cu brandweer a cuminsa combati e candela y como tres truck di brandweer a presenta pa asina domina e candela. Tambe esnan encarga cu Parke Curason a habri e cura pa e trucknan di brandweer por a logra domina e parti pariba di e candela tambe.

Despues di basta rato nan a logra domina y paga e candela, cu a destrosa un parti grandi di e mondi pabou di Parke Curason.

LEAVE A REPLY

Please enter your comment!
Please enter your name here