Den e ultimo simannan, a lanta un polemica riba periodismo unda un persona for di Venezuela a skirbi carta di kehonan contra Aruba y mande international y tambe pa Sociedad Interamericana di Prensa SIP.
Tur hende cu dos placa di sinti, ta compronde e essencia di loke ta pasando y cu no ta trata aki di ningun sorto di pecamento contra libertad di prensa, pa busca of haya informacion, pero ta un postura firme tuma contra poco mucha, cu te ainda no por accepta un derota electoral y cu e partido cu a crianan tur tempo, no ta den gobierno mas, pa sigui yena nan saco cu placa di pueblo.
T’esey t’e essencia, pues un rebeldia, un rabia politico, un odio, falta di acceptacion, y capricho ta pone nan baha na nivelnan nunca antes visto na Aruba, pa nan sacia nan sed di odio y asina rebaha otro hende.
“Cuando le conviene”
Tur nan radio rochela ta basa riba un solo partido, esta MEP. Nunca a tende nan lastra e corupcionnan di AVP. Tempo di Paul Croes, nan a sali na su defensa, y a tribi ataka esnan cu a denuncia inhusticia y corupcion. Den caso di Benny, nan a tene programanan pa lansa atake riba otro hende, y NINGUN dia nan a informa pueblo e berdad, cu tin tanto corupcion cu a sosode den gobierno di Mike Eman y cu bendicion di Mike Eman.
Dicon? Pasobra nan tambe ta hinca den fiesta, friends & family, y nan tambe a viaha cu Mike riba stif di pueblo, gosando di daggeldvergoeding di $ 1000 pa dia, paga dor di nv nan di gobierno.
Marko Spinoza di cordinador pa periodista”
Cu awe Marko ESpinoza kier hunga “periodista” pa lansa tur sorti pregunta, manera “mucha manda”, unda e tabata durante 8 aña di Gobierno di Mike di 2009 pa 2017? E tabata sinta den scochi di Mike Eman ta core su tras ta saca tur sorti potret kens, cu no a yuda cu nada! E tempo ey, unda su “periodismo” y “sip” a keda? E tabata parti di e desaster di Aruba, unda a gasta placa den tempo di bonansa. Awe e kier cambia rol? Hunga periodista, unda realmente e ta un mucha manda di Mike Eman y e gang di sinberguenzanan!! Stoppppppp!
Dos malandro oligarca di AVP
Tin dos businessman di AVP, cu actualmente a perde masha hopi placa, pasobra AVP no ta den gobierno mas. Claro cu nan ta rabia y ta haya “el tekke tekke” tur dia. Pero ki efecto nan tin? Nan a kibra AVP pa motibo di nan sed pa poder y placa y djey nan yora y grita pa 4 aña largo te cu nan a logra manda AVP cas y atras cu 6 asiento na 2022. Mas nan grita, mas nan fada nan mes votadornan. Afterall un votador di Rancho lo puntra: pakico vota pa AVP, si e unico Oligarca cu a enrikese su mes y su famia te dos malandronan?
E mucha manda nobo: Bacalao
Awor ta sali un periodista Venezolana cu a bira e mucha manda nobo di AVP.
El’a wordo lansa pa bay causa drama. Un persona cu ni na Venezuela e no a keda y a huy di e situacion unda periodista ta wordo mata y tira den prison. Awor ta bin hunga gran periodista na Aruba, danki na Bondia Aruba cu a dune un pistola cu e no por maneha. Ta bisto cu e periodista ta ciega pa e libertinahe, e abuso, e palabranan baho cu ta wordo expresa den direccion di ministernan, den direccion di hende muhe, den direccion di latinonan (Clyde) y eynan Bacalao no ta bisa nada. Ey e ta keto y ta aplaudi e bahesa ey. Esey ta periodista?
Awor cu otro periodista a splike cu e ta cumprando guera cu no ta di dje, diripiente Bacalao ta haya “el tekke tekke” y ta cuminza bash un periodista, keriendo cu e lo causa cualkier daño na dicho periodista, unda enrealidad ta su mes e ta causa mas daño.
Ta duidelijk, cu Bacalao ta bao dominio di Los Verdes, kendenan ta hogando den nan dolor di no ta den gobierno pa horta e pais aki brutalmente, malandronan periodista a chupa 10 miyon florin brutalmente, dos minister den man di husticia, y lider Eman a ricibi miles y miles di Roberto Ricon, estafador Venezolano den PDVSA. Esey si ta bon!
No mester defensora di malandros
E pais aki no mester di wega politico bao capa di periodista. E merece periodistanan cu ta dispuesto pa cuestiona corupcion, y no esnan cu ta meti den corupcion y kier defende corupcion. Laga nos cuminza refleha riba e realidad y pone un paro na tur esnan cu ta haci wega politico bao capa!
Nos por compronde e frustracion politico, pero nan mester eleva nan estilo di duna y trece noticia, pa nan por haya respet y wordo respeta. Mientras cu nan ta lastra tur hende, hamas nan por kere cu nan lo wordo respeta!
Aruba ta goza di libertad di expression total. Te dimas! Pues e difamacion ta a causa di frustracion!
Nos ta spera cu SIP no equiboca su mes, cu e corigi su mes y percura p’e no defende malandros!
