Recientemente e candidatanan pa e certamen di Miss Beauty Aruba 2024, a haci un bishita educativo na Museo Arqueologico Arubano. E ricibimento tabata di Norwin Maria y despues, bou guia di Suzette Kelly-Boekhoudt y Karin Drost-Hijmering, e candidatanan a haya e documentario di Aruba su historia den diferente etapa titula Keeping Heritage Alive, presenta. Esaki a inclui e antepasadonan di nos isla.
E temanan presenta e dia aki, tabata e.o.: especie stranhero, Cultura di Morto, Storia di piedra, Caquetio: E idioma di nos antepasadonan y descubriendo historia bou di nos pia. E presentacion a culmina cu un wega unda e candidatanan a ricibi pregunta cu nan por a contesta haciendo un paseo den e museo. Un storia interesante tambe tabata esun dje raton Maiky, cu ta haya un les for di shon Shoco. E cas di Aruba su heroe Arubano, Boy Ecury, tambe tabata parti dje presentacion.
Cas Princesa Aruba ta gradici Museo Arqueologico Arubano pa e ricibimento y tremendo presentacion. Dia prome di november 2024 lo t’e certamen final di Little Princess, Little Beauty y Pre Teen, den Cas di Cultura. Mas informacion por bishita e FB of Instagram di Cas Princesa Aruba.
Potret cortesia Jacy Croes
