E siman aki a cuminza e caso di ‘ontnemingszaak’ di Paul Croes unda Ministerio Publico kier expropia 180 mil florin for di Paul, cual placa a haye culapabel di dje, como producto di corupcion.
Den e investigacion, Paul Croes a gasta 180 mil florin mas, di loke el’a cobra na salario y no por a hustifica di unda e placa a bin.
Paul a defende cu el’a gane na catochi y tabata regaldo di bruid. Sinembargo e declaracion di Paul Croes riba e ganancia di catoochi no a resulta cu berdad, pasobra ora di interoga e casita di catochi, nan a bisa di no sa mira Paul Croes cumpra catochi eynan. Ademas ora cu gana placa grandi mester acudi na kantoor principal pa cobra.
Den e caso den corte, abogadonan kier trece masha hopi testigo, entre otro varios persona cu a haci regaldo na Paul Croes, durante di su bruid. Nan kier testigua cu nan a dune regaldo.
Tur esaki awor huez lo mester dicidi si ta bay permiti testigonan si of no.
Apesar di a haya un castigo penal, awor Paul Croes mester entrega bek 180 mil florin, pa cual den futuro cercano e caso lo wordo trata.
