Diamars merdia Nelson Andrade a bandona su programa di radio pa asina acudi rapidamente na corte unda e tin afpraak cu huez comisario y fiscal. E mester a acudi dialuna, pero esaki a wordo cambia pa diamars. Pa 1.45 su abogado Doris Candwood a yega corte y poco minuut su translate Andrade a yega. Su interogacion ta cumin 2.or di atardi pa e caso di polis Vos. Ta trata di un caso unda na forma ilegal Andrade tabata ricibi signal di radio di polis pa asina por a core bay na sitio pa raporta. E signal aki no tabata gratis, ya cu mester a paga y cumpra e polis cu placa of algo otro. Investigacion mester determina kico tabata e acuerdo. Polis Vos mes ta cera na Kia desde 20 di Maart 2023, ora cu e mainta ey el’a wordo yama pa BIZO y a wordo informa cu e ta keda deteni. Na mes momento nan a drenta su cas y topa cu e centro di comunicacion. Den pasado, na 2019, ya caba Andrade a haye envolvi den mes un caso unda e tempo ey su propio empleado Marko Spinoza a confesa na polis. Andrade a haya castigo di haci trabao pa comunidad y e no mag ripiti e violacion. Sinembargo parce cu Andrade no a duna mucho atencion na e sentencia di huez e tempo aya y awor ta para atrobe dilanti mes delito.
