Un tercer-generacion trahado di biña desde Verona, Italia, Cecilia Pasqua a bini Aruba pa un par di Dia pa conecta cu consumidonan y comerciantenan como tambe tur su clientenan entusiasma.
Pasqua Vigneti e Cantine ta un winery historico cu ta produci calidad halto di Veneto y biñanan Italiano, nan ta un di e topnan den e mercado di biña Italiano y tambe internacional. Cecilia ta splica cu e ta inspira pa e pasion di su famia, como tambe nan historia largo. E historia di Pasqua Vigneti e Cantine ta cuminsa na 1925, ora cu e prome generacion di rumannan Pasqua a bini Verona, Italia, y establece un negoshi nobo dedica na bendemento di biña for di nan pais na sur di Italia, Apulia. For di Wine Trade & Retail, despues nan a dicidi pa bira crecedornan di biña y lansa un winery di berdad. Dentro di un paar di aña, ora nan a haya nan vineyards den area di Verona, e compania a progresivamente haya nan importancia y visibilidad mereci.
Durante añanan 60, e segundo generacion di e famia a drenta den e negoshi treciendo un habrimento di export y orientacion na calidad halto. Nan a progresivamente mehora nan produccion, expandiendo un estado agricultural mas grandi, un vine research center inovativo, experimentacion cu tecnica di grafting y mehoracion den vineyards – – e famia a sigui concentra nan mes riba e ruta di excelencia.
Durante añanan 2000, e compania a haci un inversion grandi, den cuadro cu e conexion solido entre compania, famia y vineyards, cu e creacion di oficinanan nobo y planta di produccion na San Felice, den e curason di e vineyards di famia.
E tercer generacion di miembronan awor ta esnan encarga cu e winery: Riccardo, Alessandro, Cecilia y Giovanni.
Durante su bishita na e isla, Cecilia a host un trade lunch na Ritz Carlton, Casa Nonna Restaurant, invitando varios profesionalnan pa un wine tasting y food pairing. Den e parti atardi el a host un Meet & Greet na e tienda H&H Fine Wines & Spirits na Ponton, y riba e siguiente dia, Ritz Carlton a organisa un dinner special pa wine makers habri pa publico.
E tasting a inclui Pasqua’s 11 Minutes Rose, Romeo & Juliet PassioneSentimento White y Romeo & Juliet PassioneSentimento red, cual a wordo ricibi cu hopi entusiasmo.