Recientemente, Fundacion Dominicana Arubanse Juan Pablo Duarte a bira escenario pa un charla informativo y masha interesante cu e tema central di Diabetes. E evento aki, cu a conta cu e experticio di Fundacion CVA, a laga e miembronan di e fundacion masha contento y satisfecho cu e informacion ricibi.
Durante e sesion, representantenan di Fundacion CVA a duna un splicacion detaya riba e importancia di un estilo di bida saludabel pa maneha y preveni e condicion aki. Entre e puntonan clave cu a wordo trata tabata tin:
- Nutricion balansa: Con mester come debidamente y e importancia di respeta e orarionan di cuminda.
- Actividad fisico: Recomendacionnan pa haci algun sport, manera cana, pa mantene e curpa activo.
- Descanso adecuá: E necesidad di drumi na ora pa permiti e curpa recupera.
Como un gesto simbolico di salud, na final di e charla tur participante a haya un appel y un apelsina como regalo. E directiva di e fundacion ta gradici cordialmente tur persona cu a participa y a contribui na e exito di e anochi educativo aki.
