Diasabra anochi rond di 11’or y mey a sosode un accidente di trafico altura di Wendy’s na Cura Cabay, lo tawata un hit&run.
Polis a yega y a topa cu un Renault cu un dama cu su yiu, e Hyundai Accent cu a dal nan a core bay.
Mientrastanto na e sitio di e boksmento tawata tin basta material di Accent riba caminda benta.
Algun rato despues chauffeur di e Hyundai Accent a yega bek na e sitio pa piki parti di e Hyundai Accent. Ey ta unda cu polis a atende cu ne.
E no kier a bisa unda e auto ta, e tawata herida tambe cu un kap basta bon na cabes. Otro patruya a tira bista rond y a topa cu e auto para un poco mas leu den Brazil.
Polis mester a pidi pa un ambulance mirando e seriedad di herida di e homber. Paramediconan a hibe Hospitaal.
Polis di trafico tambe tawata necesario.
