(AFP): Mundo ta yora awe mas di 685 mil morto door di COVID-19, e pandemia ta totalisa 17.8 miyon contagiado.
E pandemia di coronavirus a provoca por lo menos 685.780 morto en den mundo desde cu e oficina di World Health Organisation WHO na China a tuma nota di e enfermedad aki na December 2019, segun un conteo di AFP te cu diadomingo 2 di Augustus, a base di datonan oficial.
Desde comienso di e epidemia, mas di 17.896.220 persona den 196 pais a contrae e enfermedad. Di eseynan por lo menos 10.326.000 a recupera, segun datonan oficial emiti pa e paisnan.
Diasabra a registra na mundo un total di 5.557 morto y un total di 263.110 contagio nobo. E paisnan cu tin mas fayecido segun e registro ta: Brasil cu 1.088, Merca cu 1.051 y India cu 853.
E cantidad di morto na Merca ta surpasa 154.449, y cu un total di contagio di 4.620.502. Autoridad a registra cu 1.461.884 persona a cura.
Despues di Merca, e paisnan cu mas victimas mortal ta Brasil cu 93.563 morto y 2.707.877 caso, Mexico cu 47.472 morto (434.193 caso), Ingleatera cu 46.193 morto (303.952 caso) y India cu 37.364 morto (1.750.723 caso).
China, sin Hong Kong y Macao, a registra un total di 84.385 persona contagia, di cual 4.634 a muri y 79.003 a recupera totalmente.
Te cu diadomingo;
Europa a totalisa 210.487 morto (3.191.892 contagio),
Sur America y e Caribe 200.212 morto (4.919.054 contagio),
Merca y Canada 163.424 morto (4.737.084 contagio),
Asia 63.844 morto (2.917.571 contagio),
Medio Oriente 27.643 morto (1.165.720 contagio),
Africa 19.930 morto (945.248 contagio), y
Oceania 240 morto (19.656 contagio).
E conteo aki a wordo recopila pa AFP usando cifranan oficial di World Health Organisation.
