Rda Gate: Sin destaho ni contract, Patrick Paskel cu Candy Rasmijn a cobra mas di 1 miyon di RDA

0
2837

RDA-Gate: E saga ta continua

E asunto deplorable di estafa den RDA no por bay zomaar den doofpot, manera hopi ta kere.

SOLO ta vigilando e caso aki hopi di cerca y ta keda asombra pa e atrocidadnan cu a worde comete eyden y na unda placa di e compania destina pa yuda nos pais progresa a bay den saco di algun famia.

Patrick Paskel doño di entre otro Tera Group y Paxi NV, kende ta vocero di Mike Eman, no ta stop di sorprende nos, di tur e contractnan cu el’a haya for di Gobierno di Mike.

E ta parce di tabata por tur cos, contal cu loke e ta pretende di por produci placa p’e.

Mike Eman, lider di Avp, a permiti y facilita e atraconan di Patrick Paskel, unda sin un destaho publico, via un e-mail di oferta washi washi, a otroge mercado di RDA pa asina haya e trabao di promocion y na mes momento haya propaganda di RDA pa su website y demas companianan. No solamente propaganda pero tambe trabao di spionahe, unda mester a scucha tur radio pa tende kico pueblo ta papia riba RDA y mesora mester raporta esaki.

Remarcable y mas ainda cuestionable ta e hecho den e e-mail di oferta di 3 di October 2016, e oferta no ta cuadra y no tin pia ni cabes. El’a Just tira un para y haya aprobacion den 1 minuut pa cobra 500 mil.

Den su programa di radio, Patrick Paskel tabata sapatia y ta mustra di ta hopi rabia y awor e kier baha su rabia riba esnan cu a traha e rapport, cual rapport ta mustra cu su compania a wordo faboreci sin ningun destaho publico.

Awor e kier cuminza atake pisa riba esnan cu a traha e rapport, treciendo yen di storia contra nan! Pero nan a gaña? Claro cu no, pasobra Patrick Paskel no por refuta nada di loke tin den e rapport. Su dos companianan a cobra 500 mil, y 100 mil pa project di Algen unda no tin ningun splicacion na unda e placa a bay.

Su gritonan na radio, ta mescos cu radio rochela, pasobra ya el’a perde credibilidad y henter Aruba sa cu e ta un persona sin escrupulo, haragan, oportunista y adicto na placa. Ni kico e grita, no ta yude mas! Ta mescos cu gritonan den desierto!

Cu un simpel yamada di telefon y un simpel e-mail, Alvin Koolman a duna Patrick Paskel 500 mil florin, el’a haya aprobacion pa manda tur factura, cobra placa, sin contract. Pues wild wild west, algo cu ningun hende por kere, con e atraco a bay! Via un e-mail, a bay over na paga Patrick Paskel un suma espantoso.

A cobra 99 mil den un projecto di Algen. Awor…e placa aki a worde destina pa algun medionan di comunicacion so ? pero puntrando aki’aya nos a bin haya sa cu e medionan apunta pa haya propaganda no a haya propaganda y mucho menos placa. Pa tira santo den wowo di pueblo a duna un mil aki y un 2 mil aya.

Cu Patrick Paskel kier tilda SOLO di a cobra 600 mil di su compania, ta un mentira flagrante. E placa no ta di dje, y pa colmo nunca e tabata paga nos medionan. Nos mester a raporte na Aruba Bank te ora cu Aruba Bank a dicidi cu nan lo no confia Paskel mas cu nan placa y a cuminza paga nos directo. E ta un tercio cu no gusta paga su cuentanan!

E pregunta cu atrobe ta keda colga den laira ta: Unda tur e placa di RDA a bay anto?????? Un cos ta sigur, e compania Tera Group di Patrick Paskel, amigo y vocero di Mike Eman a haya 11 mil mil pa luna pa percura pa e propaganda di Rda yega na su website y programa di radio. Pasobra cu nan si a haya propaganda ta un hecho.

Cientos di miles di Florin nan a haya na placa di propaganda. Ainda tin otro cos mahos y scur cu ta lanta cabes aki.

E suma di projecto di Algen di 99 mil, no tin ningun splicacion ta kico a wordo haci cu e placa. Un tutu completo.

Si esaki no ta corupcion, anto kico ta anto?? Keda pendiente. E saga ta continua……..

LEAVE A REPLY

Please enter your comment!
Please enter your name here