Ta tristo pa bisa, ta tristo pa mira, y mas tristo ainda pa nos kere, con hende por destrui matrimonio y famia, relacion y amistad ,cosnan puro y sagrado cu Dios a establece, pa bay tras di mentira , orguyo y arogancia.
Bo tabata sa cu tur corupcion ta sali for di curason : Nos ta kere sigur e versiculonan siguiente lo convense bo, y asina bo por dirigi bo bida na Dios.
Mateo 15:18-19 ta para scirbi: Ma e cosnan cu ta sali for di boca, ta bin for di curason, y ta esey ta contamina hende.
Pasobra for di curason ta sali,pensamento malo,matamento,adulterio,fornicacion,ladronisia,testimonio falso,calumnia. Esaki ta e cosnan cu ta contamina hende, ma come sin laba man no ta contamina hende.
Pesey ta hopi tristo ora bo mira hende ta laga falsedad defini nan karakter:
Ora bo mira hende ta adora material, y kere den promesa falso mas cu Dios,
Ora hende ta pone palabra di Dios un banda pa sigi nan mes caminda,
Ora bo mira hende ta corre pa aki, y corre pa aya,
Pasobra nan no kier scucha e berdad, pero locual hopi hende no ta nota ta cu ora bo ta core pa e berdad e berdad lo cuminsa persigi bo.
Marco 7:21-22 ta para scirbi lo siguiente: Loke ta sali for di hende , ta esey ta contamina hende,pasobra for di paden di hende ta sali mal pensamento,fornicacion,ladronisia,matamento,adulterio,hechonan di cudishi,y maldad, tambe enganjo,sensualidad,envidia , calumnia,orguyo y bobedad.
Tur e maldadnan aki ta sali for di paden y ta contamina hende.
Hopi biaha bo ta tende hende bisa cu un persona a cambia, sin tuma nota cu Dios ta sacando tur locual ta bon of malo na cla, pasobra Dios no ta sconde nada.
Ta parce manera hende no ta ripara con grave e mentira cu e enemigo ta hinca den cabes di hende, y maldad ta sali for di hende su curason, cuanto biaha bo no ta tende con hende a yega na poder den otro paisnan matando hende.
Cuanto biaha bo no ta tende con preso-politico ta wordo tortura y mata, pa motibo cu e pensamento ta diferente, pa asina e otro por yega of keda na poder, tur e cosnan aki ta sali for di curason di hende.
Un hende ta decentemente casa, biba hunto cu su famia den tur trankilidad, pero diripiente un mal pensamento ta sali for di den su curason, y e ta bandona su casa y su cas, y bay biba un bida mediocre, den inmoralidad.
Jeremias 17:5 ta para scirbi:Maldiciona ta esun cu ta confia den hende, y ta haci carni su fortalesa, y kende su curason ta aleha for di Senjor.
Salmo 1:1-2 ta para scirbi: Bendiciona ta e hende cu no ta cana den conseho di malbadonan,ni ta para den caminda di pecadornan. Ma su delicia ta den e ley di Senjor,y den Su ley e ta medita di dia y anochi.
No tuma conseho pa nada serca hende amarga cu curason yen di rabia, odio y envidia, cu ta desea di tuma vengansa, pasobra e no a hanja locual cu e tabata kier, pasobra su curason ta malo.( Proverbionan 17:20).
Ora hende su curason ta malo, definitivamente, nan ta contra boluntad di Dios, y nada bon no ta sali for di nan si nan no arepenti, reconoce Dios, y bida pa Dios.( Wak bon kico ta para scirbi y comprende 1 Corintionan 6:9-11).
Salmo 118:8 ta para scirbi: ta mihor tuma refugio den Senjor , cu confia den hende.
Awor mas cu nunca ta tempo , pa pone confiansa Senjor.
Sinceramente, Pastor Marcel Balootje.
