Recientemente, a surgi un otro problema den e sector di taxi na Aruba, despues cu e ministerio di transporte a introduci un serie di cambio den su decision tocante traspaso di licensia di taxi. E union “Taxi ta Nos” (UTN) a logra trece e cambio cu a permití traspaso di permiso na famia den caso di malesa, pero e otro grupo di taxista (centralnan) ainda no ta satisfecho y ta keda cu critica y duda.
Union Taxi ta Nos a logra frena decision di Minister
Riba e asunto di taxi, ta keda cla cu e grupo cu a logra frena e decision inicial di e minister y a hiba e minister pa revoca su postura, ta e union “Taxi ta Nos” (UTN).
Esaki a resulta den un cambio cu ta permiti e traspaso di permiso den situacion specifico, un decision cu UTN mester considera como un victoria pa nan miembronan. Tambe UTN a logra pa minister hinca taxista den comision di evaluacion, algo noble y na su luga!
Otro Grupo ta insisti cu ainda tin problema y no ta kere cu e traspaso realmente a bira posibel, y ta keda draai rond insinuando cu e cambio no ta suficiente of no ta sigur. Esaki ta mustra un division den e sector y un falta di confiansa den e decisionnan cu a wordo tuma.
Bon comunicacion y transparente ta necesario
Esaki ta indica e necesidad urgente pa mas comunicacion cla y transparente pa evita mas mal comprondemento.
Derecho di taxi mester wordo respeta, y pesey mester tin dialogo. Mas cu claro cu e minister mester habri su porta pa mas dialogo.
Finalmente e no ta bay pa ken a logra, pasobra aki ta tur a logra. A pesar cu ta Union Taxi ta Nos a forsa e revocacion aki, e ta pa tur taxista.
Pabien taxista. Boso a logra e revocacion.
