FORTALEZA PA FAMIA.
Scirbi pa Pastor Marcel Balootje.
CONSENSHI, MORAL, LIBERTINAHE Y TEMOR DI DIOS.(1)
Aleluya Gloria na Dios, No laga nada destrui nos nucleo di Famia.. Awel laga nos splika algo cla, pa tur hende compronde: E asunto di registracion di matrimonio,di mesun sexo ta algo anticua, pasobra Emperador Nero di Roma cu a persigi y Mata Apostel Pablo y Apostel Pedro y miles di Cristian tabata casa cu un persona di mesun sexo, segun historia, y tur persona di mesun sexo cu kier casa of biba ta bon na altura kico nan ta haciy kico nan kier, pesey ta existi Democracia. E dolor ta e moralidad den Famia,con nos lo haci cu e hubentud y futurogeneracion?
Pesey Dios a pone un dos versiculo den Beibel pa nos tur cu ta ser humano riba e mundo aki y e ta con ta pa tur hende ribamundu : Juan 3:16 y Galationan 6 vers 7. E dos versiculo aki ta conta pa Cristian y no Cristian, sea cu bo conoce Dios, of no conoce, of bo conoce y bo ta rechasa Dios segun 2 Timoteocapitulo 3 ver 1 -5.
Laga esaki ta cla pa henter pueblo di Aruba, y pa nos tur sa cu nos no tin di hustifica nos mes cu fout di otro, pasobra na final cada ken tin di duna cuenta na Dios di su mes.
E pakete di ley ta contene hopi cos, pero pregunta ta con nos lo bay aplika e ley aki den cas di Famia, caminda moral y respet ta biba, pasobra awor aki e porta ta habri pa hubentud drentarebeldia, y pa hende bira mas materialista posibel, pa manipulacion tuma un entrada mas grandi.Pronto bo ta tende cu un hende ta drenta union civil cu un hende cu ta biba afo, y asinae persona aki ta hanja derecho pa bin biba na Aruba, y tambe e persona aki lo tin derecho riba onderstand pasobra no tin trabaope.Union civil lo permiti hende bende na mes pa placa, sin tin amor ni tampoco ningun relacion, pero djis pa ta un trampoline pa maldad. y cuidao cu nos no importa malvado.
Union civil ta habri porta pa tur sorto di registracion, e por dunachens pa hende rechasa e mandato di Dios, y no cana e camindadi Dios pa un matrimonio segun e palabra di Dios.
Union Civil ta pone matrimonio cu ta sagrado na baratiyo, e Famia cu ta e prome pilar di un pais, den decadensia, pasobra tur locual cu antes tabata wordo balora, awor no ta wordo baloramas, pasobra door di registracion, amor a disperse.
Na final di cuenta nos ta bay mira cu esaki lo bira e negoshi di añanan venidero, ya cu pa registra lo no costa un florin, perodolor ta ora abo como mayor ta mira bo yiu drenta union civil cu un persona cu apenas bo conoce.Mi ta spera cu tur esnan cu a firma esaki lo ta consciente di locual cu nan a firma, pasobra ta facil pa bisa mi a firma pa un pakete di ley.Pero nos tur sa cu awor aki ta na moda pa firma despues ta lesa e contenido, pa firma y despues nos lo wak con ta haci, pa firma y laga e pueblo y e Famianan carga e consequencia. Nos no por haci politiek cu nos Norma y Balor Sagrado.
Beibel ta spierta nos , pero awor a bira cu beibel ta un bukianticua, pero pa esnan cu tin consenshi y sa ken ta Dios, nos tin cu bisa cu Beibel no ta jong ni bieuw, pero e ta eterno.
Awor ta e tempo cu mas cu nunca nos tin cu para riba nosprincipionan, y wak pa nos famia, y no ta awe nos a bini ta splika nos pueblo cu nos ta bibando den tempo trabahoso , y cada ken tin di lese pa su mes, pasobra locual ta sosode awendiano ta sorpresa , tuma tempo awe mes y lesa 2 Timoteo Capitulo3 ver 1-5 y bo ta wak kico ta pasando, y esaki lo dunabo e motibo y razon pa busca mas di Dios.
Poco poco pero sigur e dia cu Señor ta bin busca su pueblo ta sercando, e dia ni ora ningun hende no sa pero e sel nan aki ta demostra cu nos mester ta prepara. Awor ta tempo pa demostraAmor pa hende compronde cu sin Cristo nos ta perdi, y pa nospor predica e Evangelio mas cu nunca, den tur Hogar aki naAruba. Y Corda riba esaki Juan 3:16 y cu nos no ta bibando den gera, pasobra salbacion ta Amor y Cariño di Dios.
Sinceramente
Pastor Marcel Balootje.
