Ley a pasa: Union civil ta posibel na Aruba
Ley pa union civil di pareha homosexual a wordo sosteni pa Mep y Avp
Mep y Avp, Por y Red a haya otro den un votacion 17 pro / 4 contra
Dialuna atardi, parlamento a haya otro pa aproba un ley cu ta hasi posibel e union civil di parehanan homosexual. E ley a wordo sosteni masalmente pa Mep y Avp. El’a termina cu 17 na favor y 4 encontra.
Desde algun aña caba e ley aki ta riba mesa y awor porfin a yega na un final.
Maske cu den seno di Iglesia nan ta condena esaki, den seno di gruponan homosexual nan tabata buscA tur forma pa hasi esaki posibel.
Ora e ley a pasa, Desriee Croes (AVP) a saca un parada di auto pa celebra e logro.
Awor e ta un realidad. Mep y Avp y demas a sosotene grandemente y awor pais Aruba mester habri porta pa cuminza registra den union civil homber cu homber of muher cu muher.
Aparentemente parehanan por acudi na Stadhuis pa asina contrae e union civil.
Claro cu esaki ta un paso mas serca di matrimonio, ya cu awor e proximo bataya ta matrimonio y lo no por bay nenga esaki.
Reaccionnan den comunidad ta di alegria serca e grupo di homosexual, pero di lamento serxa e grupo religioso.
