Den un tape cu a lek den fin di siman y a bay viral ta mustra algo masha mahos tumando lugar den ASU. ASU ta e organisacion deportivo madre di Aruba.
E tape ta un conversacion di Cai Cai cu Ronny Boye, unda por dedici cu Ronny Boye su bond lo tin debe halto na ASU dor di no paga contribucion.
Cai cai den e voice note ta splica con e lo bay schrap e debe di Boye, pero mester primitintiele voto, pe por keda den directiva di ASU.
Esaki ta nada otro cu soborno y corupcion den deporte, sin precendente.
Ta asina Sepp Bladder di FIFA a haye den baina dor di faborece pais y cumpra voto.
Esaki ta un delito penal pa cual Ministerio Publico di Aruba su wowo a dal habri riba ASU y no por spera nada otro cu lo cuminza un investigacion ambstahalve cu e tape aki, unda esnan envolvi mester rindi cuenta na husticia cu chens grandi di wordo castiga.
Pues corupcion a penetra den tur skina di deporte na Aruba y awor hasta ASU cu ta e organisacion madre di tur deporte ta envolvi den cumpra voto y elimina debe di un bond pa asina e bond cu tin 2 of 3 voto por vota pa Cai cai keda den ASU.
Nos a compronde cu Cai Cai ta den baseball tambe, Little League y Para Olympics y otro deporte mas y awor nos por haya sa tambe con ta su modus operandi.
Esaki ta crea un mancha riba Baseball, Little League y Para Olympics, kendenan mester kies pa integridad o curpcion y cu un intencion dje forma aki, ta imposibel e por keda mienbro.
ASU ta forma pa un grupo cu tin 20 pa 30 aña na poder y no kier laga los.
Ta ora pa e grupito reflecciona y baha cu pensioen y traspasa e deporte den man di hobennan cu realmente por nifica un mihor perspectiva y avanse.
Fuentenan den Ministerio Publico a asegura Solo di Pueblo cu nan a tuma nota di e tape cu ta confirma corupcion.
Ta keda den man di bondnan pa sea ta vota Pro Corupcion y bira complice, of vota Contra- Corupcion pa rescata y salvaguardia ASU di hendenan corupto.
