Durante un bijeenkomst den parlamento di Aruba dialuna 29 di maart, hefe di Crisisteam, Sr. Rino Hermans a trece dilanti cu actualmente Aruba ta den un widespread di coronavirus, unda nan no sa mas, for di unda e brotenan di coronavirus ta origina.
Esey a trece cune cu Crisisteam mester a cuminza haci diferente prueba cu e medidanan cu nan ta tuma. Un di e medidanan cu a wordo purba ta; pa reduci e cantidad di persona cu ta sinta na mesa den restaurant. A baha esaki di 4 pa 2. Despues di siete dia por a observa cu restaurant no ta causante di brote y djey a subi’ele bek pa 4. Ora cu nan a constata cu restaurant no ta e causante di brote, nan a dicidi di bira den direccion di supermercado y gym.
Nota di redaccion: Pues, aki ta confirma loke SOLO a trece dilanti, cu ora nan tuma cierto medidanan, no tin informacion concreto, pero ta haciele manera un magic trick “abra cadabra”. Ta di lamente si cu un grupo di persona sinta den un reunion, sin ningun informacion concreto, ta actua “pa loco”, sin sa e daño cu nan ta sigui causa na empresanan y trahadornan. SOLO ta completamente di acuerdo cu ora mester bin medida, pa tume conciso y lo mas corecto posibel. Ta casi imposibel cu den un pais chikito, ta usa e palabra “widespread”, pasobra dificilmente nos ta kere cu lo no por a indentifica e bron di contagio.
Si den pasado caba el’a wordo proba cu a yega na e fuente, cu tabata Gusto Night Club, den e caso aki no ta diferente.
Contrario na Crisisteam, SOLO DI PUEBLO su team investigativo si tabata sa di adelanta cu e contagio grandi aki tabata tumando lugar na scolnan y bao di muchanan. Crisisteam no por nenga esey y nan mester a accepta esey tambe. Loke ta pasa ta cu den seno di Crisisteam, no kier a sera scol, y a cuminza haci “abra cadabra”.
No ta prome ves cu nan ta traha manera “abra cadabra”, den hopi otro casonan por a bin constata cu nan ta actua sin plan, sin base, sin informacion, y den cierto caso, contra tur regla intertnational y protocol di RIVM, CDC y WHO. Mas tristo ta ora cu nan mes a crea nan protocol Arubiano, pretendiendo cu nan ta mas experto cu tur otro. Den hopi caso nan a hasta actua den violacion di ley di derechonan humano, comprobando dje forma aki cu nan ta traha selectivamente, manera traha raadsel.. “abra cadabra”..
