Un di e kehonan di mas grandi tabata cu COHO lo mina autonomia di nos pais. 

Esaki sigur tabata un propaganda pa Partido di oposicion,  cual na varios ocacion a tilda MEP cu MEP a entrega autonomia. 

E realidad ta otro:    MEP nunca kier entrega autonomia.    E condicion imponi dor di Hulanda ta causa dor di mal maneho di AVP,  cual Hulanda kier asegura cu den futuro si AVP bolbe bek na poder, nan no por bolbe frega pais Aruba. 

Ta pesey Knops a pone COHO pa haya grip riba Aruba y otro islanan igual. 

E strategia halto hiba pa MEP tabata cu na prome instante no por a haci nada otro. Nan a gara nos na rudia y mester a accepta cualke condicion pa haya ayudo.  

Sinembargo semper MEP a hiba e pensamento, mescos cu Betico,   cu na caminda lo remente for di otro na un forma of otro. 

Asina el’a bay tambe ora cu e formalisacion di COHO a keda tranca, a keda wanta, no a wordo firma prome cu Knops a baha y a wanta pa bini un remplasante y sigui busca alternativa.   Sigur cu Van Huffelen ta un otro persona,  mas habri,  mas dispuesto pa tene consideracion y asina a logra kibra COHO. 

COHO tabata consisti di tres Hulandes cu lo dirigi y por dicta.    Awor e ‘onderlinge regeling’ ta basa riba un coperacion.   COHO tabata basa riba ley y ta wordo nombra dor di Conseho di Reino.  COHO lo a mina autonomia.   Tur esaki a wordo bari for di mesa y e areglo nobo ta un mutuo, unda tur ta igual y hunto lo dirigi e paisnan mes pa cumpli cu e plan di reforma.  

LEAVE A REPLY

Please enter your comment!
Please enter your name here