PROME ACCIDENTE FATAL PA 2023

Awe pa mas o menos 2:41 Central di Polis ta dirigi patruya Policial y ambulance cu maximo urgencia na altura retonde macuarima pa un accidente pisa entre un Hyundai, accent, shinishi numera A-52316 y un
Toyota, Corolla, shinishi numera A-4238

Na yegada di e prome patruya a topa cu dos victima cu ta involucra den e accidente. Un señora y un cabayero.

Ambulance ta yega na e sitio y ta transporta e señora cu maximo urgencia hospital.

Na e sitio a brinda e prome auxilio na e cabayero pero tabata envano.

Pa 3:21 Dr. Anthony ta constata fayecemento di nos colega policial Austin David ILLES naci na Aruba dia 28 november 1998.

ILLES ta forma parti di team special di Atraco Team y ta un Polis di Cuerpo Policial Aruba.

Bureau Slachtofferhulp, BFTO y specialista di trafico a yega na e sitio di incidente pa asina investiga e accidente lamentabel aki.

Altocomisario di Polis Sr. ARNHEM, comisarionan Sra. Gordon, Sra. Hassel, Sr. Candelaria, coleganan di tur districto, recherchanan di diferente unidad a bin na e sitio di incidente y duna sosten na otro.

Cuerpo Policial Aruba ta manda palabranan di hopi forza na famia y na tata di e defunto Sr. ILLES tambe na tur nos coleganan cu un perdida di nos mesun colega den blauw.

LEAVE A REPLY

Please enter your comment!
Please enter your name here