Faltando apenas 48 dia pe pitaso inicial di e Copa Mundial 2026, e ambiente ta keda sacudi pa tensionnan cu ta bay mas leu di e cancha. Mientras cu FIFA ta celebra e benta record di carchi di entrada, e incertidumbre riba e participacion di Iran y un alerta di biahe pa fanaticonan ta pone e organisacion den un posicion dificil.
Duda cu Iran
Gobierno di Iran ainda no a confirma nan presencia debi na e tensionnan politico actual cu Merca. Rumornan ta persisti cu Italia por drenta na nan luga si e seleccion di Medio Oriente dicidi di retira pa motibonan di siguridad.
Alerta di biahe
Un coalicion di mas di 120 organisacion civil, lidera pa ACLU, a lansa un advertencia formal diahuebs. Nan ta alerta fanatico y periodistanan cu e reglanan estricto di migracion na Merca por causa problema na frontera.
Benta di Ticket
A pesar di e polemicanan, e demanda ta mas halto cu nunca. FIFA a habri e fase di “ultimo momento” y ya tin mas di 5 miyon ticket confirma pa e 104 partidonan cu lo tuma luga na Merca, Mexico y Canada.
