Cada mayor tin e deber pa lanta su yui , den e caminda di Senjor, pasobra tur mayor mester tene cuenta con nan ta educa nan yiu, pasobra educacion ta cuminsa na cas.
Un yiu no por ta un molester, pa su mayornan, pa su bario y pa sociedad completo, si su mayornan a tene cuenta cune for di momento cu e ta chikito.
Hopi mayor no ta realisa con tristo , ora nan no a duna nan yiu debido atencion na chikito, y cu awor cu e ta mas grandi e ta pone cara di su mayornan na berguensa.
No laga nos tira falta riba droga,alcohol y mal amistad, pero laga nos ban bek na e educacion sano, disiplina y husto cu ta bin for di cas.
Pasobra un cas porta grandi, bunita, luho, y mayornan cu placa, pero ora no tin respet den cas, no tin ordo, no tin disiplina e cas ta cay den un probresa, y tristesa cu ta solamente cu palabra di Dios e por wordo lanta.
E diabel ta loer hubentud, pa haci nan rebelde contra nan propio mayornan, y asina ta falta amor disiplina y coreccion den cas, e porta ta habri pa scuridad diabolico.
Den e tempo cu nos ta biba aki cu hopi technologia avansa, nos tin di corda cu Dios, ta mesun Dios , di ayera awe y pa semper, pasobra Dios no ta cambia, e ta Dios riba tur technologia,y laga nos kita nos bista for di technologia , stop di purba lanta yiunan digital, y ban bek na e boluntad y principionan di Dios.
Nos tur sa cu tempo ta trabahoso, pero nos tur tambe tin cu realisa cu aunke mundo ta rechasando Dios, y aceptando scuridad, nos como mayor mester mantene nos deber sagrado y lanta nos yuinan den disiplina y instruccion di Senjor. ( Efesionan 6:4).
Ora nos ta bon na altura cu nos yiu ta haci malo, nos no tin nada di sconde, pero saca tur cos na claridad dilanti di Dios, pa asina nos hanja ayudo di Dios pa nos yiu, pasobra dilanti di Dios nada no ta keda scondi.
1 Samuel 3:13 ta bisa lo siguiente: Pasobra Mi a bise cu Mi ta bay huzga su cas pa semper,pa e inikidad cu e tabata sa di dje,pasobra su yiu hombernan a trece un maldicion pa nan mes y e no a reprende nan.
Ora nos como mayor no pone ordo den cas, y no ta reprende nos yuinan, ora nos sa cu nan ta haci cos robes, nos ta trece huicio di Dios riba nos cas. Y despues ora cu algo sosode nos kier tira falta riba tur instancia, pero un cos tur mayor mester corda cu deber di mayor ta sagrado dilanti di Dios.
Tin hopi mayor tin nan trabao of nan negoshi , y nan placa mas na serio cu educacion di nan yiunan, pasobra nan ta bisa cu si mi no tin trabao, mi no por cria mi yiunan, pero bo no por pone bo trabao, dilanti di educacion di bo yiunan, bo mester tene cuenta, cu bo yiunan ta regalo di Dios y ta bo deber pa lanta den caminda di Senjor.
Y sea consciente, stop di papia cu bo yuinan, tocante cu bo tin un bon abogado, pasobra abogado por defende un caso, pero abogado no por kita e dolor cu bo negligencia por causa, abogado no por duna bo,bo yiu bek, ora accidente sosode, ni tampoco drecha nomber di bo yiu ora su maldad ta proba.
Laga nos habri nos wowo.
Sinceramente, Pastor Marcel Balootje
