Un rapport di Algemene Reken Kamer traha na 2019 ta trece na claridad un cantidad di asunto di overtime. Algemene Rekenkamer a haci un quicksan den KPA y otronan.
E tres departamentonan cu mas ta cobra overtime ta Polis, KIA y CEA.
Den un analisas di dianan di ao, a bin descubri cu esaki ta hopi halto.
Tin un total di casi 600 empleado trahando pa KPA, for di cual tin casi 16.000 dia ao den total pa aña.
Esaki ta yega na un promedio di casi 30 dia ao pa aña pa cada polis.
Esaki no kemen cu tur polis ta bay 30 dia ao, pero ta un pro medio.
Esaki ta e causa principal di gasto di overtime.
Riba e tema aki Maduro di SPA y Solognier no ta bisa nada. Nan mester papia riba dje y mester duna nan contribucion na e debate con pa atende cu e cantidad asina halto di AO den KPA.
Den futuro mester revisa e proceso di AO pa lage ta husto y mester bini tambe cu cierto criteria nobo di esnan cu realmente ta ta tuma hopi dia di AO, pa mira kico ta nan problema, y con por yudanan.
Keda keto, ignora e problema aki, y haci overtime un derecho, no ta e solucion.
