ORANJESTAD – Fundacion Parke Nacional Aruba (FPNA) ta organisa e di dos ‘Nature Photography Competition’, e competencia ta pa profesional pero tambe amateur.
Competencia anual di fotografia di naturalesa Fundacion Parke Nacional Aruba (FPNA). Cu e competencia anual aki, FPNA ta desea di captura e bunitesa unico y diverso di Aruba su balor natural, y crea conscientisacion pa e conservacion di naturalesa, y no solamente den e areanan protegi maneha pa FPNA pero pa Aruba completo.
Competencia anual di fotografia di naturalesa Fundacion Parke Nacional Aruba (FPNA). E ‘Nature Photography Competition 2021’ ta pa ciudadano di Aruba cu e tema di Aruba su Bida Marino. Nos bida marino ta uno spectacular, cu un biodiversidad increibel y un bida marino interesante cu ta digno di ta protegi y conserva pa e futuro generacion por experencia. FPNA ta sugeri algun topico manera e matanan of bestianan di lama den nan habitat marino, comportacion di bestianan marino, imagen marino macro, paisahe bou awa, y ‘arte marino’.
Sinembargo, por entrega cualkier potret relaciona cu bida marino cu ta conecta den un manera of otro cu Aruba su balor natural marino.
Competencia anual di fotografia di naturalesa Fundacion Parke Nacional Aruba (FPNA). Pa tur persona cu ta interesa pa siña un poco mas di fotografia marino, keda pendiente riba nos pagina di Facebook, caminda lo anuncia un workshop digital pa artista y fotografo talentoso, Armando Goedgedrag, dia 2 di december pa 6.30 PM pa asina aki comparti su experencia di saca potret bou di awa.
Ultimo dia pa entrega potret pa e ‘Nature Photography Competition 2021’ ta dia 31 di december. Un panel di hurado reconoci cu conocemente di e bida marino y arte tambe representante di Post Aruba y FPNA lo analisa potretnan. E premionan ta inclui efectivo, exhibicion di e potretnan ganador door di FPNA y lo comberti e potret ganadornan den un edicion special di stampia cortesia di Post Aruba.
Pa mas informacion riba e reglanan di participacion pa e ‘Nature Photography Competition 2021’ y e workshop digital di Armando Goedgedrag por bishita e pagina di Facebook: Aruba National Park Foundation, website www.arubanationalpark.org, of email na marinepark@arubanationalpark.org
