20 di november, Dia di Mucha a tuma lugar un actividad pa mucha den Centro di bario Savaneta. E actividad tawata uno gratis y esaki danki na: Super Food Plaza Care Program. Mas cu 70 mucha a participa den e actividad aki. 

Prome biaha cu Centro di Bario Savaneta a organisa un actividad pa celebra e Dia di Mucha. A yena e Centro cu hopi wega cu e muchanan por a hunga, sea nan so of hunto cu mayor of otro mucha. 

Den un ambiente dushi un y tur cu tawata presente na Centro di Bario Savaneta por a disfruta di un atardi cu yen wega pa nos muchanan. Na entrada tur mucha por a grabbel den e grabbelton y haya un regalito. Djey a invita tur hende pa saca potret na e mini booth cu material di Unicef World Children’s day. Den sala grandi tawatin; domino, jenga, vier-op-een-rij, mikado, bloki, spijkerpoepen y sjoelen. Tambe muchanan por a hasi un face painting, esaki tawata den man di Sra. Lila Henqiquez. 

Parti pazuid di Centro por a hunga blikgooien (dos size) y Tic tac toe y parti panoord di Centro muchanan por a bula den Dino Jump y tambe hunga futbol riba e veld. 

Un danki na: Reach Your Goal Foundation, Stichting Hunga Teca, Sr. Joselito Vrolijk, Sra. Yolanda Violenus, tur boluntario pa boso aporte pa haci e actividad aki posibel. 

‘Like’ nos Facebook page: Centro di Bario Savaneta y click ‘Follow’ pa asina sigui nos y keda na altura di tur nos actividadnan. Nos siguiente actividad lo ta nos Bazaar di Pasco cu ta tuma luga dia 4 di december. 

Nos Centro ta tene bon cuenta cu tur rekisito stipula pa DVG pa cu COVID-19. Nos ta recomenda pa laba man frecuentemente y/of hasi uzo di hand sanitizer como tambe pa mantene distancia social. E uzo di un tapaboca ta ser recomenda.

LEAVE A REPLY

Please enter your comment!
Please enter your name here