Parlamentario seรฑor Ady Thijsen ta retira di Parlamento dia 1 di december 2021, pa bay Hulanda, den e funcion di representacion di Aruba na Union Europeo y Brussel. Seรฑor Thijsen a pasa e screeningnan necesario pa asumi e funccion.
E decision dificil pero importante aki, seรฑor Thijsen a tuma, riba peticion di partido MEP, y despues di consulta cu su famia, en bista di e papel importante cu Union Europeo lo hunga den e fase di recuperacion di Aruba, despues di Covid. Asina seรฑor Ady Thijsen lo reemplasa e Representante pa Aruba actual, seรฑor Eddie Paris, cu a haci un bon papel na Brussel. Seรฑor Paris lo keda un tempo Hulanda pa asisti den e fase transitorio.
Seรฑor Ricky Hoek, number 18 riba e lista di MEP, ta e candidato pa drenta den Parlamento. Seรฑor Ricky Hoek a studia Culturele en Maatschappelijke Vorming (CMV) na Fontys Hogeschool voor Sociaal Werk na Eindhoven, Hulanda y tambe a finalisa su Master in Arts in Social Work & Development na Universidad di Aruba. Seรฑor Hoek actualmente ta e โProfessional and Society Practice Coordinatorโ (coordinador di practica) y docente na Universidad di Aruba pa e estudio di Bachelor in Arts in Social Work & Development. Esaki ta haci cu Sr. Hoek ta un profesional prepara riba e area social y di enseรฑansa.
For di aรฑa 2004 pa 2007 seรฑor Hoek a traha den e funccion di trahado comunitario na Departamento di Asunto Social. Den e funccion aki seรฑor Hoek tabata encarga di dirigi un plataforma profesional consistiendo di cabesantenan di scol basico, Wit-gele-kruis, Polis di Bario, docter di cas y clero den districtonan di Santa Cruz, Paradera y Noord. E meta di e plataforma tabata pa den un forma di colaboracion mutuo y estrecho atende e problematicanan social cu ta surgi den cada districto.
For di aรฑa 2007 te cu 2017 seรฑor Hoek a ocupa e puesto di Director na Asociacion Trabao di Hubentud na Aruba, ATHA. Den e funccion aki seรฑor Hoek tabata encarga entre otro na ofrece e organisacionnan miembro di ATHA cursonan di desaroyo, fondo pa plan vacacional, proyecto encuanto Derecho di Mucha, jeugdmonitor, curso di Licht Verstandelijke Beperking na profesionalnan, dirigi plataforma pa persona cu limitacion y dirigi e proyecto Poder di Hubentud. Banda di e area profesional cu seรฑor Hoek ta traha aden, e ta haci diferente trabou boluntario den comunidad.
Ta ser spera cu sr. Hoek lo por drenta den Parlamento dia 1 di december proximo, y e tramite nan ta wordo ehecuta awor.
Partido MEP ta desea seรฑor Ady Thijsen y seรฑor Ricky Hoek hopi exito den e carera nobo, nos tin tur confiansa cu ambos ta e personanan corecto riba e luga corecto.
