Deurwaarder di corte a sorprende Nelson Andrade: Diamars mainta 9.30 mester tey presente! 

Fiscal a manda yama Nelson Anrade y Marko Espinoza den corte como testigo pa ladronocia di radio di polis

Dialuna merdia deurwaarder di corte a bati na porta di studio pa asina entrega un carta na Nelson Andrade.  E carta ta un yamada di fiscal y corte, unda e mester acudi personalmente, pa asina e wordo scucha como testigo den un caso cu tin di haber cu hortamento radio di polis. 
Manera ta conoci,  Nelson Andrade a hinca un polis den problema, cu por coste su trabao, pasobra tin un link cu ta apunta e procedencia di dicho radio. 
Na prome instante Andrade mes lo a pidi pa bay den apelacion, pero diripiente a trek terug, pasorba lo no tabata kier a haya mas publicidad of tabatin miedo cu corte di apelacion dune mas castigo. 
Loke e nunca a spera ta cu Ministerio Publico lo manda yame como testigo den un otro caso.  Cu e citacion aki, e mester haci acto di precencia diamars mainta 9.30 na corte pa asina testigua y contesta pregunta cu wordo haci na dje, bao huramentacion, dilanti tres huez.
Nelson Andrade a wordo sentencia pa heling, o sea diefstal, dor di a obtene un portofoon di polis den forma ilegal, y a ordena su trahador pa crea un netwerk, dor di download un app, cu tabata retransmiti e signal di polis.
Husticia a sigui e radio di polis via GPS. Maske Andrade kier keda nenga, su trahador Espinosa a basha abao, conta recherche tur cos. Espinosa a conta tur cos, pa miedo cu autoridad deporta su mama, cu kisas lo no ta legal na Aruba. E confesion di Espinosa a aclara tur tur detayes con nan tabata den posesion di e radio, cu claramente nan no tabatin mag di tin, cu no ta destina pa nan. Ademas nan tabata scucha conversacion di polis.
E sentencia di Andrade y Espinosa di 15 di juli 2019 di ladronicia awor a bira oficial, unabes nan a trek terug di hogerberoep.

LEAVE A REPLY

Please enter your comment!
Please enter your name here