Digicel ta solidario cu pueblo di Ukrania y nan famia na otro partinan di mundo, esaki mes ta motibo pa cual Digicel ta ofrece yamada y SMS gratis na tur cliente den Caribe y Centroamérika pa Ukrania, esaki ta conta pa Aruba tambe. E acto di solidaridat aki a keda activa ayera diahuebs dia 3 di Maart. Roeland van der Hoeven, CEO di Digicel pa islanan ABC a bisa; “Nos sa con importante e ta pa bo keda conecta cu famia y amigonan – aun mas den e tempo cu nos ta bibando. Nos kier encurasha tur hende pa tuma contacto cu nan famianan na Ukrania y laga nan sa cu nan no ta nan so y cu henter mundo ta cu nan.”
